SSN Times

 

 

မြို့ပြရဲ့မီးရောင်များအောက် မရှိမဲ့ရှိမဲ့ ကဗျာတွေအကြောင်းရေးစပ်သီကုံး အတွေးတွေက ဟိုတစ်စဒီတစ်စ အိပ်မက်တွေရဲ့အနားသတ်မျဥ်းတွေက ထောင့်မတ်ကျနိုင်ပါ့မလား နယူတန်ရဲ့ကမ္ဘာတွင်စကားကို ဘဝမှာအတည်မှတ်ပြီး ပေးဆပ်ခဲ့ပြန် ဟိုလူဒီလူတွေရဲ့သတ်မှတ်ချက်တွေကို စည်းကမ်းတစ်ခုလိုမှားမှတ်နေခဲ့ ပူရှိန်းနဲ့စီးကရက်ဟာလိုက်ဖက်တယ်ထင် အနက်ရောင်ယဥ်ကျေးမှုဟာ ကမ္ဘာကြီးရဲ့ရိုးရာဖြစ်နိုင်လား ဦးဘညွှန့်ရဲ့ချစ်ဒုက္ခလို ချစ်မိလိုက်ချင် ကျွန်တော်ဟာ  ဆံပင်ရှည်သလိုလျှာရှည်တယ်  စပ်စုတယ် တုံးအတယ် လူငယ်ဖြစ်တဲ့လျောက် လူငယ်ပီပီ  ဂျစ်ကန်ကန်မေးချင်ပါတယ် ဟစ်တလာသာရဟန်းကျင့်ကြံခဲ့ရင် ကမ္ဘာတစ်မျိုးပြောင်းသွားနိုင်လား -ကျွန်တော်

 

ပြည်သူကတော့ ... ကျားသေကို အသက်မသွင်းချင်လို့ မနားမနေ အသက်နှင်းနေကြတယ်။ ကံတရား ဘယ်လို ပျက်ပျက် ရန်များ ဘယ်ံလို ဆက်ဆက် အမှန်တရား မပျက်ဖို့ ပြည်သူ့ လှံသွားတွေ ထက်လွန်းလှတယ်။ တရားရှုံး မသွားဖို့ အများရုန်းအားနဲ့ နှလုံးသားချင်း သွေးစည်းညီတယ်။ ပြည်သူ့ ဆန္ဒကိုငြင်းပြီး အမဲရိုးဟင်းလောက်နဲ့ တပွဲတိုးမင်း မဖြစ်ချင်စမ်းနဲ့။ တရားမင်း အမှန်နဲ့ သားချင်းတွေရံလို့ တို့နိုင်ငံမှာ...  ဘိသိက်ခံတော့မယ်။  ညီမင်းထွေး

တော်လှန်ရေးမှာ ပြည်သူဟာ Level 3 ကို ရောက်နေပြီ Level 1 - စီးပွားရေးလုပ်ငန်းများရပ်တန့်ခြင်း Level 2 - ပိုင်ဆိုင်မှုများထုတ်ရောင်းချရခြင်း Level 3 - အထွေထွေခြိမ်းခြောက်မှုများရင်ဆိုင်ရခြင်း ယခုအခြေအနေဟာ level 3 ကာလပါ ဒီအခြေအနေကို မဖြေရှင်းနိုင်ရင် Level 4 ကို ရောက်လာနိုင်မယ် Level 4 - မှာတော့ မိမိစားဝတ်နေရေးနဲ့  ရှင်သန်ရပ်တည်ရေးအတွက် လူ၊ လူချင်း အထိန်းအကွပ်မဲ့စွာ နင်းချေခြင်း ဒါကြောင့် Level 4 ကို ဦးတည်နေတဲ့ အနေအထားမှာ ပြည်သူများအနေနဲ့ ရပ်တည်ရေးဆိုင်ရာ ဆုံးဖြတ်ချက်များကို မှန်မှန်ကန်ကန် ချမှတ်နိုင်အောင် ကူညီကြပါ ခုအောင်တော့မှာလိုလို မနက်ဖြန်အောင်တော့မှာလိုလို  False Hope တွေက ပြည်သူများ ရှင်သန်ရပ်တည်ရေးအတွက် ဆုံးဖြတ်ချက်များ ချမှတ်ရာမှာလမ်းကြောင်းလွဲသွား စေနိုင်ပါတယ် တော်လှန်ရေးဟာ ကြာရှည်နိုင်ပါတယ် ပြည်သူများအနေနဲ့ ရေရှည်တောင့်ခံ ရပ်တည်နိုင်ဖို့ အမျှော်အမြင်ရှိရှိ ‌စဉ်းစားဆုံးဖြတ်ပါဝင်ကြပါ တော်လှန်ရေးဘက်သားများကတော့ မဆုတ်မနစ်တဲ့ 'ဇွဲ' နဲ့ အဆုံးထိ တိုက်ကြပါလိမ့်မယ် အလေးအနက် တိုက်တွန်းလိုတာကတော့ နံပါတ် 1   👉👉👉   ရှင်သန်ပါ နံပါတ် 2 ...

မိုးရွာဖို့ မန္တန်ရွတ်သူကရွတ် လေငြိမ်အောင် ဆုတောင်းသူက ဆုတောင်း            မီးညွန့်ခူးစားသူတို့က မီးလောင်ရာလေပင့်လို့ မီးလောင်‌နေမှန်းမသိနိုင်တော့တဲ့ အပူသည်တွေအပြည့်နဲ့ လူ့အဖွဲ့အစည်းမှာ မီးလောင်နေတယ် နည်းနည်းနဲ့ကျဲကျဲ မီးငြှိမ်းနေသူတွေကြောင့် လောင်စာက ကုန်တော့မယ် မီးငြှိမ်းရင်း မီးမွှေးမိနေသူတွေကြောင့် လောင်စာက မကုန်သေးဘူး နှစ်ဖွဲ့စလုံးက ဘဝကို ဘဝနဲ့ရင်းပြီးတိုက်ယူနေတာလို့ပြောတယ် ဝါးချင်းပွတ်တိုက်ပါများပြီး တောမီးလောင်သလိုပေါ့ အတွေးအခေါ်ချင်းပွတ်တိုက်ပါများရင် ကမ္ဘာမီးလောင်သွားနိုင်တယ် မီးအားကောင်းလွန်းလာတဲ့အခါ ပထမဦးစားပေးက လောင်စာကိုမီးရှို့ပစ်ကြဖို့ပဲ တန်ရာတန်ရာပဲ ဆုတောင်းရင်း သေဆုံးသွားကြတယ် တန်ရာတန်ရာပဲ တိုက်ခိုက်ရင်း လွတ်မြောက်သွားကြတယ် မီးပုံဘေးမှမဟုတ်ဘူး မီးပုံပေါ်လည်း ပျော်နိုင်တဲ့ လူတန်းစားတွေရှိတယ် ဘာအတွက်ကြောင့်မှ ယုံကြည်ရာကို လက်မလွှတ်လိုက်ပါနဲ့