ခဲတံချွန်ပြီးပြီ - ဆရာမင်းကိုနိုင်

 ခဲတံချွန်ပြီးပြီ 

ကျောင်းသင်ခန်းပုံ ဆွဲချင်ဆွဲ 

ဝစ်လစ်ဝလစ်ပုံ ဆွဲချင်ဆွဲ

သဘောပဲလေ...

ဒီမြေမှာ 

ဓါး၊ လှံတွေ ကြဲချင်ကြဲ 

ချိုးငှက်တွေ ဝဲလိုဝဲ 

သဘောပဲလေ...

စိတ်ချကလေးရေ 

စစ်တိုက်ခန်းတွေ မကြိုက်လို့ 

ထိုးကြိတ်ခန်းတွေ မကြည့်လို့ 

သူရဲဘောကြောင်တယ် မစွပ်စွဲဘူး 

ဒါပေမယ့် ကလေးရေ

ကိုယ်ဆွဲရာ ကိုယ်ကားချက် 

ကိုယ့်လက်မှတ်တော့ ထိုးရမယ် 

( မင်းကိုနိုင် )