ကဗျာ ကဏ္ဍ

 အာရုံအလျင်ထဲ

စွဲလမ်းမူသီအိုရီတွေရောက်ရောက်လာ

သစ်သစ်သွားကြ

တယောက်တမျိုးစီမှားခဲ့ကြတယ်တဲ့

သံသရာကိုချစ်တယ်တဲ့

ရွှေသားသံယောဇဉ်လေးကို မြတ်နိးတယ်တဲ့

အချိန်တန်ရင်တော့ 

ကိုယ်ဇာတိဆီ ပြန်ကြရတာပဲတဲ့

အေးငါဇာတိဟာ အလွမ်းဖြစ်တယ်။

ပြဇတ်ဆန်ဆန်အရောင်ရိပ်တွေ

ငါအလွန်မုန်း

မြုံးမိတဲ့ငါး အသက်ရှင်စဉ်မှာ

ဘာတွေ တွေးခေါ်နေမိမလဲ

ငါသိချင်မိ

ငါကိုယ်တိုင်မြုံးမှာ မိမှာပဲ

လွတ်လမ်းကိုသာလိုချင်ခဲ့မိ

အရင်လိုဘဝဆိုးထဲကိုပဲ

လွတ်ချင်ရဲ့

ဒါဘဝရဲ့ 

အဘိဓမ္မာပဲ

သေချာရဲ့

အိမ်မက်ဆန်ဆန်တွေလာရောင်းဝယ်မနေနဲ့

စက္ကူလေယဉ်ပျံလေးကို လက်ထဲက လွှတ်ချလိုက်ပြီ။

မောင်ချောနွယ်