“ရုပ်ရှင်”

နှင်းတွေ ဖွဲဖွဲကျနေပုံ မဟုတ်ဘဲ

ရွာတွေဆီက ပြာစတွေ တဖွေးဖွေး။

"ဒီအိမ်ကို ဆောက်ဖို့ ငါ့သားလေးက

သူများနိုင်ငံမှာ ကျွန်ခံခဲ့ရတာ" လို့

အော်ဟစ်နေတဲ့အခန်းမှာ 

သရုပ်ဆောင်သူ အဘွားအို 

ရူး သွား တယ်။

ဇာတ်ကောင်တွေ ဟာ 

အများကြီးဆိုတော့

ငိုသံတွေ လည်း 

အကျယ်ကြီးပဲလေ။

ဇာတ်၀င်တေးက တယောသံနဲ့ 

မဟုတ်ဘူး

သေနတ်သံ ၊ ဗုံးသံနဲ့ ။

ကြည့်ရှုသူတွေ ဟာ 

ဘ၀ပိတ်ကားပေါ်မှာ

ကိုယ့်အလောင်း ကိုယ်

ပြန်မြင်နေကြရတယ်။ ။

မောင်ရေချမ်း