ကြောက်ခေတ်ရဲ့ အသံ

“ပထွေး”ရိုက်မှာလည်း ကြောက်ရ

“ခွေး”ကိုက်မှာလည်း ကြောက်ရ

“သူဌေး”ဝိုက်မှာလည်း ကြောက်ရ

ဈေးမကိုက် မှာလည်း ကြောက်ရ

အရေးမစိုက် မှာလည်း ကြောက်ရ

ကြောက်ရ

ကြောက်ရ - -

"လူ"၊ လူ​ ခြင်းလည်း ကြောက်ရ

အတူတူ ခြင်းလည်း ကြောက်ရ

နောက်က လူကိုလည်း ကြောက်ရ

အောက်က လူကိုလည်း ကြောက်ရ 

ကြောက်ရတာတွေ များလာတော့

အောက်ကျတာတွေ များလာတော့

တယောက်မက ဆရာတွေ များလာတော့

မှောက်ကျတာတွေ များလာတော့

ကမောက်ကမ ဟာတွေ များလာတော့

ဂျောက်ကျနေတဲ့ မြန်မာတွေ

ဓါးရှာတော့။

ကိုယ်တော်နှိုင်း