“ပန်းရောင်းသူများ”
ဆိုရိုးစကားတစ်ခုရှိတယ်
လက်သမားတစ်ယောက်ရဲ့
အိမ်တံခါးတွေဟာ
အပျက်တွေချည်းပဲတဲ့။
ပန်းရန်ဆရာတစ်ယောက်ရဲ့
ဝန်ခံချက်ကတော့
ဟိုတယ်မှာတစ်ခါမှ
မတည်းခိုဖူးတဲ့အကြောင်း။
မိမိမှာ
စေ့စပ်လက်စွပ်မရှိပါလို့
ပန်းထိမ်ဆရာတစ်ယောက်က
ထွက်ဆိုဖူးတယ်။
လယ်သမားကြီးတစ်ယောက်
ဒေါ်လာဆိုတာ
ဘယ်လိုဟာမျိုးလဲလို့
မေးနေရှာလေရဲ့။
ကိုယ့်ပုံတူကို
ကိုယ်ပြန်ဆွဲဖို့
တစ်သက်လုံးမေ့လျော့နေခဲ့တာ
ပန်းချီဆရာတစ်ယောက်ပေါ့။
ဘာပဲဖြစ်ဖြစ်
ဖဲ့ထုတ်ခံရတဲ့
သစ်သားစတွေမပါဘဲနဲ့တော့
ပန်းပုရုပ်တစ်ရုပ်
ဖြစ်မလာနိုင်ဘူးလေ။ ။
-မင်းလူ
Comments
Post a Comment