ကဗျာ ကဏ္ဍ

 ကမ္ဘာမြေကြီးပေါ်မှာ 

အကုသိုလ်ပန်းတွေ ဝေပုံကလည်း

အဖူးပေါ် အညွန့်တက်လို့

တပ်မက်စရာပါလား...အမေ

အမေရယ်

လေတွေထန်လာလေလေ

သားမှာ ကြေကွဲရလေလေပါဘဲ

မိုးဦးအကျစောမယ်ဆိုတာလည်း

တကယ်တော့

လောကဓံတရားပါလား

အိပ်စရာမရှိတဲ့ညတွေမှာ

မိုးတွေသိပ်ရွာတာပဲ အမေရယ် ။

အမှောင်နဲ့စိုစွတ်

မိုးရေတွေရွှဲရွှဲနစ်လို့

အသံတွေတောင်ငုတ်နေခဲ့ပါပြီ အမေ ။

အမေမသိဘူးလား

လူတွေရဲ့ အပြုံးမှာ

ကုန်စျေးနှုန်းတွေပါတယ် အမေရဲ့ ။

ဧည့်ခန်းနဲ့ အင်္ကျီကောင်းမှ

ဆက်ဆံတတ်တဲ့လူတွေရဲ့ သဘောထားကို

သား တူးတူးခါးခါး မုန်းတယ်အမေ ။

                                              

မောင်ချောနွယ်