"ဖြေတွေး"

ငါးကလေးတစ်ကောင် 

ရေနစ်သေမှာစိုးလို့ ကယ်ဆယ်လိုက်တာ 

ကုသိုလ်ရနိုင်သလား

ပုလင်းတလုံးဟာ

သူရာမေရိယကံကို ကျူးလွန်မှုရှိ မရှိ

သိနိုင်သလား

သံတချောင်းရိုက်ပေးတဲ့

အဖိုးအခ အဖြစ် တူတလက်ပေးလိုက်ရရင်

တန်တယ်လို့ ဆိုမလား 

အချိန်မမှန်တဲ့ နာရီတစ်လုံးထက်စာရင်

ရပ်နေတဲ့ နာရီတစ်လုံးက

တရက်မှာ

နှစ်ကြိမ်မှန်သေးတယ် ဆိုရင်

သဘောတူလား 

အဖြေကို 

ဘဝစာမျက်နှာ တနေရာတွင်

ရှာကြည့်ပါ ။

-မင်းလူ