ကဗျာကဏ္ဍ

 ဆောင်းဝင်ပြီမို့ မိုးခိုငှက်တွေကိုလည်း

အသိုက်အိုကိုပြန်ရောက်စေချင်သလို

လောင်သမျှသောကမီးတွေလည်း

တရားသဖြင့်​ စဲစေချင်တယ်

ကမ္ဘာကြီးရယ်..ဒါဟာ

အခြေခံလူတန်းစားတစ်ယောက်ရဲ့

မေတ္တာရပ်ခံချက်ဖြစ်ပါတယ်

ကြားနိုင်ပါစေ မြင်နိုင်ပါစေ

ငြိမ်းချမ်းခြင်းသီချင်းတွေအလွှင့်မှာ

မေတ္တာစစ်တွေစီးဆင်းကြမယ်

မောင်းတစ်ချက်နှိပ်တိုင်း တစ်ပွင့် ပွင့်တဲ့

ပန်းတိုင်းပြည်ကြီး ဖြစ်ပါစေကွယ် ..။

ရိပ်ငြိမ်