တော်လှန်ရေး
ခွေခေါက်ထားရတဲ့အတောင်ပံ
ဖြန့်ကားနိုင်ဖို့
ကွေးထားရတဲ့ ခြေထောက်တွေ
ဆန့်ထုတ်နိုင်ဖို့
ဘယ်အစာကိုမဆို
နှုတ်သီးနဲ့ကိုက်ယူနိုင်ဖို့
နေရောင်ရဲ့အဆင်းကိုမြင်ရဖို့
လေပြည်ရဲ့အထိအတွေ့ကို ခံစားဖို့
သဘာဝရဲ့အလှကို ငေးဖို့
အတောင်အလက် စုံစုံလင်လင်
ရှင်သန်ကြီးပြင်းဖို့
ပျံသန်းခြင်းကို သင်ယူဖို့
ကောင်းကင်နဲ့မြေပြင်မှာ
လွတ်လပ်လှုပ်ရှား သွားလာဖို့
ကိုယ်တေးနဲ့ကိုယ် သီကျူးနိုင်ဖို့
တောတောင်မြစ်ချောင်းနဲ့အတူ ကခုန်ဖို့
ဒီ့အတွက်
အခြားဘာနည်းလမ်းမှ မရှိဘူး
ပတ်ပတ်လည်
ပိတ်ဆို့ကာရံထားတဲ့ ဥခွံမာမာကို
အရင်ဆုံး
ချိုးဖျက်ဖောက်ထွက်မှပဲ ရမယ် ။
မီးငှက်
(၃ - ၁၁ -၂၀၂၂)
MyitKwae
Fighting
ReplyDelete