သန့်စင်ခန်းယဥ်​ကျေးမှုထဲ တိမ်မြုပ်​ပျောက်ကွယ်သွား​သော ပကတိစိတ်များ

စိတ်ရှိလား

အ​ရေပြားကိုးကွယ်သူ​တွေကိုမ​မေးသင့်ဘူး

တစ်​နေ့တစ်​နေ့ကိုယ်​ပေါ်တက်လာတဲ့ယားယံမှု​တွေကို

​ဖြေသိမ့်ရင်းစိတ်​တွေကမိလ္လာပိုက်ထဲခုန်ခုန်ချကြတယ်

​ဘေစင်မှာလက်​ဆေး​ပေမယ့်

အ​ကြောက်တရား​တွေ​ပေကျံ​နေဆဲ

​ကြွေပြားအဖြူ​ပေါ်ကပင့်ကူတစ်​ကောင်

​ငေးကြည့်​နေတယ်တ​နေကုန်အ​ယောင်​ဆောင်ထားတဲ့စိတ်ကို

အူ​တွေကိုညှစ်ချအားစိုက်ထုတ်သ​လောက်သာ

တရားမျှတမှုကိုလိုလားခဲ့ရင်

အညစ်အ​ပတ်​တွေကုပ်ကပ်တွယ်​နေစရာဘာအ​ကြောင်းမှမရှိဘူး

ခံစားမှု​သွေးပါ​တော့အထိတ်တလန့်

​သွေးထဲကခံစားမှုစစ်စစ်ကိုမျက်နှာလွှဲကြတယ်

ကိုယ့်ဘာသာပိတ်ထားတဲ့တံခါးပြန်မပွင့်မှာကိုပဲ

အစိုးရိမ်ကြီးစွာ​နေထိုင်ရှင်သန်ဖို့ကြိုးစားရင်းစိတ်နဲ့တိတ်တိတ်​လေး​ဝေးလာတယ်

အပြင်မှာmissed call ​တွေ

ပြုံးပြဖို့လိုလိုမလိုလိုပြုံးပြလိုက်ရုံ

ကိုယ့်စိတ်နဲ့အမှန်တရားကဖုန်း​ခေါ်ခဲ့​ပေမယ်

သန့်စင်ခန်းထဲမှာကိုယ်ကအ​လေ့အကျင့်ရ​နေခဲ့တာ

မျိုးဆက်တစ်ခုကြာခဲ့ပြီ။           ။

မိုးချွန်

(​အောက်တိုဘာ၊ ၂၀၂ ၂)