နိုင်ငံတော်သီချင်း-၉
အပမှီနေသလို လူတွေ
မအိပ်ခင်ကြယ်ဖြူ တစ်ပွင့်စီသောက်ကြ
၁၂ထပ်တိုက်ပေါ်က
နောက်ထပ်သူရဲကောင်းတစ်ယောက်ခုန်ချလာ
ဘေကန်ရဲ့ပုပ်ရဟန်းတစ္ဆေကြီးနဲ့
ငါတို့ထိတ်လန့်နေခဲ့သောနှစ်များ
လူသေတို့ရဲ့ဘာသာဗေဒနဲ့
အချင်းချင်းဆက်သွယ်ခဲ့ကြ
ပခြုပ်ထဲကလူးလွန့်ထွက်လာတဲ့
သောကဆိုနာတာ
အဖြစ်အပျက်တစ်ခုလုံးရဲ့အဓိပ္ပါယ်ဟာ
ကန်ထုတ်လိုက်တဲ့သစ်သီးပုပ်တစ်လုံးလို
အဝေးကိုလိမ့် လိမ့် လိမ့်
သင်၏ စိတ်ချောက်ချားဖွယ်ရာနိုင်ငံတော်။
အောင်ခင်မြင့်
Comments
Post a Comment