"သိန်းငှက်တို့ရဲ့သဘာဝ"

သိန်းငှက်ပျိုတို့ရဲ့

ဘဝအစဆိုတာ

ဟို ....

သစ်ပင်အိုကြီးများရဲ့ 

ထိပ်ဖျားလောက်ကနေ

အောက်ကို ခုန်ချလိုက်တာပဲ။

အဲ့ဒီ့အခါမှာ ....

ငှက်ငယ်ဟာ ကြောက်လန့်တကြားနဲ့

တအားအော်ဟစ်ရင်း

အတောင်များကို ဖြန့်ကားလိုက်ရာ

အာကာသထဲမှာ

သူ့ရဲ့အသည်းနှလုံးဟာ

ဗြုံး ဆို ပြောင်းသွားခဲ့တယ်လို့

တို့အဘိုးက

ကွမ်းတစ်ရိုး ဝါးရင်းနဲ့

ပြောပြခဲ့ဖူးတယ် ။ ။

မောင်ဒီ