အငိုနောက်
ငုံးစွန်တဲ့
အမြှီးနဲ့စွန်တဲ့
ဆောင်းရဲ့ကောင်းကင်မှာ
လေတံခွန်တွေဝဲလို့
စွန်ဖြတ်တမ်းကစားရတာ
ရင်ခုန်စရာ
ပြတ်သွားတဲ့စွန်နောက်လိုက်ရတာ
ပျော်စရာ
အခုတော့
ကောင်းကင်မှာ
တစ်ကိုယ်လုံးမှန်စာတိုက်ထားတဲ့
လေယာဥ်တွေသာဝဲလို့
စစ်ဟာ
ကလေးတွေရဲ့စွန်တွေကို
ဖြတ်ချခဲ့ပြီ
စစ်ကြောင့်
ကလေးတွေရဲ့အပျော်တွေဟာ
ပြတ်ကျခဲ့ရပြီ
ဒီနှစ်ဆောင်းမှာတော့
ကလေးတွေဟာ
အပျော်နောက်ကို
ပြေးမလိုက်ရတော့ဘူး
အငိုနောက်ပဲ
ပြေးလိုက်နေရတော့တယ်။ ။
ခန့်ဝါငြိမ်း
Comments
Post a Comment