နိုင်ငံတော်သီချင်း ၂၀

ခေါင်းတလားကြီးထဲမှာ

ခရစ်စမတ်လက်ဆောင်တွေရှိတယ်လို့

စန်တာ ကပြောတယ်

ခရစ်စမတ်သစ်ပင်တွေဟာ

ငါတို့ထက်အမြဲရှည်တယ်

ငါသာ အလောင်းကောင်တစ်ခုဆိုရင်

ဘယ်လမ်းကိုလျှောက်မှာလဲလို့ စဉ်းစား

စန်တီယေဂိုမှာမိုးတွေရွာခဲ့သလိုမျိ ု း

အဲဒီလိုအချိန်တစ်ခုအမှန်တကယ်ရှိခဲ့တယ်

ပိုလိုကြမ်းပိုးသတ်ဆေးဝါဒထွန်းကားခဲ့တဲ့

ရွှေရောင်ကာလကြီးတစ်ခု

၂၀ရာစုပန်းတိုင်အဝင်ကတည်းက

မြန်မာအမျိုးသားထုကြီးတစ်ရပ်လုံးပန်းသေသွားခဲ့ပြီ

ပင်ပန်းနေသောအိမ်ရှင်မများ

စိတ်အေးချမ်းသာစွာအိပ်စက်နိုင်ပါပြီ

သင်၏ ခေတ်မီဖွံ့ဖြိုးတိုးတက်သောနိုင်ငံတော်။

အောင်ခင်မြင့်