"တချို့"

လက်သုံးချောင်းတွေ လေပေါ်မှာ

ဆန္ဒပြလူအုပ်ကြီးဟာ လေပေါ်မှာ

ရေပေါ်ဆီတွေက လေပေါ်မှာ....။

အရာရာကို 

လေပေါ်တင်နေကြသူတွေထဲမှာ

တော်လှန်သူငရဲကို တကယ်မြင်နိုင်သူ

သိပ်ကို ရှားပါးလွန်းတယ်....။

AKကျည်တတောင့်ကို

မြန်မာငွေ တစ်သောင်းဖြစ်နေချိန်မှာ

ငွေငါးထောင် အားနာပါးနာလှူဖူးတဲ့

ဘေးအိမ်ကလူက ထပြောတယ်

" တော်လှန်ရေး မအောင်သေးဘူးလား " တဲ့

တိုင်းပြည်ကိုသိမ်း

ဘဏ္ဏာကို သိမ်းနဲ့

လူ့မိစ္ဆာတွေကနေတဲ့ ယိမ်းမှာ

တချို့က စိမ်းစိမ်းကျက်ကျက်

နိုင်ရာကို ဝင်ထမ်းကြပေမယ့်

တချို့ကျ စိမ်းစိမ်းသက်သက်....။

တောမခိုနိုင်ဘူး

လက်နက် မကိုင်နိုင်ဘူး

ဒါဟာ အပြစ်မဟုတ်ပါဘူး

အကြောင်းပြချက်တွေ မှာ

အသက်တွေသီထားရတဲ့ အခါ

ကျနော်တို့ကမ္ဘာမှာ

နာကျင်စရာတွေ ရှိတတ်ပြန်ရဲ့.....။

-ဝေးလ်