SSN Times

မေခလာ လာကယ်မယ် ပြောလို့ ဇနက္က က ရေဆင်းကူးခဲ့တာ မဟုတ်ပါဘူးလေ ဇနက္ကရဲ့ လုံလဝီရိယအားထုတ်မှုကြောင့် မေခလာ လာရတာပါ ကယ်တင်ရှင်တွေ မျှော်မနေနဲ့ ငါတို့လက်နဲ့ နိုင်အောင်တိုက်မယ် ငါတို့ဘက်မှာ အမှန်တရား ရှိတယ် နိုင်ငံတကာလဲ ဆက် မမျှော်နဲ့ ငါတို့တိုက်ပွဲ ဆက်နွဲဲကြမယ် နိုင်တဲ့ဘက်ကို ကမ္ဘာကြီးက ရပ်ပါလိမ့်မယ် San Zuren 🌸

 

ရေဟာ ရေပါပဲ ရေတွင်းက ရေ ပိုက်ကလာတဲ့ ရေ ...စသည်ဖြင့် အိမ်သာထဲလည်း ရောက်တယ် ဘုရားစင်ပေါ်လည်း ရောက်တယ် အသုံးချတတ်မှုနဲ့ တန်ဖိုးထားတတ်မှုဟာ ဘာသာရေးပဲ။ နေ့လွဲညစာအတွက်ပါ စားထားတဲ့ ဥပုသ်နေ့တွေဆို ဓမ္မာရုံတွေက ဓမ္မပူဇာတေးတွေကို အတင်း အဓမ္မ ဖွင့်နေတယ်။ နားထောင်တတ်မှ ကြားရတဲ့ ဓမ္မ အတိုးအကျယ် မရှိဘူး အကျဉ်းအကျယ်သာ ရှိတာပါ။ ဘုရားပွင့်ခဲ့တဲ့ ဗောဓိညောင်ပင် ဘုရားနားမှာ  ဘယ်သူမှ မတို့ရဲ မထိရဲ အခု ဘုရားကို မြိုနေပြီ  ငြမ်းက ဘုရားကို ဖျက်နေပြီ။ နိဗ္ဗာန်က အသွားပဲရှိတယ် အပြန်မရှိဘူး ငရဲက အသွားရော အပြန်ရောရှိတယ်။ နိဗ္ဗာန်က ဖြတ်လမ်းမရှိဘူး ငရဲက ဖြတ်လမ်းရှိတယ်။ ဘယ်လိုလဲ... ဘယ်ကို သွားမလဲ... ဘယ်လို သွားမလဲ... မြင်တာကို မြင်တယ်လို့မှတ်ဖို့ မြင်ပေမယ့် မမြင်နိုင်ကြဘူး။ ကျယ်ရမယ့် မျက်စိကျ မကျယ်ဘူး မကျယ်ရမယ့် ဖင်ခေါင်းကျ ကျယ်နေတယ် ဦးဇင်းလေးဟောတဲ့တရား တဟားဟားနဲ့ ပွဲကျလို့  တရားပြပေမယ့် တရားမရတဲ့သူတွေလေ...၊ ဆုတောင်းတိုင်း မပြည့်ဘူး တောင်းတဲ့ဆုတွေက ပါးစပ်ကြီးနဲ့အပြည့်၊ အကုသိုလ်တွေ ပါလာမှဖြင့် ခွဲတမ်းနဲ့ ဝေနေတဲ့ အမျှ သာဓုတွေ ခေါ်နေကြတယ် ။ ဆီမီးပူဇော်တာလို့ ခေါင်းစဉ်တပ် အပူတွေကို အပူတွေနဲ့ အပူတိုက်  ...

ဒီကာလမှာ ဘာသာတရားကိုတောင် အယုံအကြည် မရှိတော့ဘူး ဆိုတာမျိုးတွေ ပြောလာကြတာ သတိထားမိတယ်။ ဘာသာရေးခေါင်းဆောင်တွေ၊ ဒီဘာသာကို ကိုးကွယ်ယုံကြည်ကြပါတယ် ဆိုတဲ့သူတွေရဲ့ လုပ်ရပ်တချို့က ဝေဖန်စရာ၊ မေးခွန်းထုတ်စရာ ဖြစ်နေတဲ့အခါမှာ ဘာသာတရားအပေါ်မှာလည်း အထင်သေးမှုတွေ ရှိလာတာပေါ့။  ခုဆောင်းပါးမှာတော့ အဲဒီကိုးကွယ်သူတွေရဲ့ အလွဲအမှားတွေကို ကျော်လွန်ပြီး ဗုဒ္ဓရဲ့ အဆုံးအမတွေကိုပဲ ရေးချင်ပါတယ်။ တပည့်တွေ လိုက်နာမှု ရှိမရှိထက် ဆရာသမားကတော့ ဒါတွေ လမ်းညွှန်ခဲ့တယ် ဆိုတာကို သိစေလိုတယ်။ တစ်ဖက်ကလည်း ဒီအချက်တွေဟာ ဗုဒ္ဓဘာသာဝင်စစ်စစ်တွေရဲ့ ဘဝနေနည်းလို့ ဆိုနိုင်ပါတယ်။ ▪️၁။ ကံ၊ ကံ၏အကျိုးကို သက်ဝင်ယုံကြည်ခြင်း ကိုယ်လုပ်သမျှ အကောင်းအဆိုးကို ကိုယ်ပဲ တာဝန်ယူ၊ တာဝန်ခံရမယ်။ ကောင်းတာ လုပ်ပြီးလည်း လူသိအောင် လိုက်ကြွားနေစရာ မလိုသလို၊ မကောင်းတာ လုပ်ပြီးရင်လည်း ရှောင်လွှဲလို့ မရဘူး။ ဒါတွေအကုန်လုံးက တစ်နေ့ကိုယ့်ဆီ ပြန်ရောက်လာမှာပဲ။ ဒီအတွက် သူများတွေ မဟုတ်တာ လုပ်ပြီး ကြီးပွားနေတိုင်းလည်း ကိုယ်လိုက်မလုပ်တော့ဘူး။ တည်တည်ငြိမ်ငြိမ်နဲ့ ကိုယ့်လမ်းကိုယ်လျှောက်နိုင်လာလိမ့်မယ်။ ဒါကြောင့် ကံ၊ ကံ၏အကျိုးကို ယုံကြည်တယ်ဆိုတာ ကိုယ့်ကိုယ်ကိုယ် တာဝန...

  ဒုက္ခကိုပျားရည်ဆမ်းတာ သစ်သီးကိတ်တလုံးဖြစ်မလာပေမဲ့ ချာလီချက်ပလင်မျက်ရည်ကျတော့ လူတွေကရီကြတယ်။ တကယ်မငတ်ဖူးခင်တုန်းကတော့ ဖိနပ်ကိုစွတ်ပြုတ်လုပ်သောက်တာ ရီစရာပေါ့အချစ်ရယ်၊ မြစ်ဟာ တံတားအောက်မှာ ပြန်ကွေ့ဖို့မလွယ် နာကျင်မှုမှာ ပိတ်ရက်မရှိ ပျော်ရွှင်ဖွယ်ကောင်းသော ဖုန်းမမြည်၊ ဟယ်လင် မင်းပဲမှားသလား၊ ငါပဲမှားသလား စစ်ပွဲကတော့ဖြစ်ခဲ့ပြီ။ -နှင်းခါးမိုး

ညစ်ပတ်တဲ့သူနဲ့တွေ့လေလေ ပိုပြီးဖြူစင်ချင်လာလေလေ။ ကောက်ကျစ်တဲ့သူနဲ့တွေ့လေလေ ပိုပြီးဖြောင့်စင်းချင်လာလေလေ။ ရိုင်းပျတဲ့သူနဲ့တွေ့လေလေ ပိုပြီးသိမ်မွေ့ချင်လာလေလေ။ ဒေါသကြီးသူနဲ့တွေ့လေလေ ပိုပြီးအေးချမ်းချင်လာလေလေ။ မာနကြီးသူနဲ့တွေ့လေလေ ပိုပြီးနှိမ့်ချချင်လာလေလေ။ နယူတန် ပြောခဲ့သလို သက်ရောက်မှုတိုင်းမှာ တန်ပြန်သက်ရောက်မှုတစ်ခုရှိမယ်ဆို ကိုယ့်အပေါ်သက်ရောက်မယ့်မြားစူးအတွက် ကိုယ့်ရဲ့တန်ပြန်သက်ရောက်မှုက ပန်းပွင့်တွေပဲ ဖြစ်စေမယ်။ သူတစ်ပါးရဲ့ထိခိုက်နာကျင်မှုကို လျော့ပါးသက်သာစေချင်တဲ့စေတနာလေးတွေ မွေးဖွားလာစေလို့ကိုပဲ ဒါဏ်ရာအနာတရပေးခဲ့သူတိုင်းကို ကျေးဇူးတင်တယ်။ kams

တရားရှာ ကိုယ့်မှာ တွေ့ ဆိုသော်ငြား ငါကတော့ လူတွေဆီ တရားတွေ ရပုံများ ဝင်လာလိုက် ထွက်သွားလိုက် နားခိုလိုက် ရင်ဝကို ခြေစုံ ကန်သွားလိုက် သဘောကျလိုက် မကြာပါဘူး မုန်းသွားလိုက် တရားတွေလဲ ရပါတယ်  ရုပ်နဲ့ နာမ်ဟာ မမြဲသလို  လူတွေလဲ မမြဲကြောင်း ဖြည့်တွေးချင်ပေမယ့် လိုချင်ရင် ချစ်ပြီး  မလိုရင် ပစ်မယ့် လူတွေ ဒဏ်ရာတွေသာ အထပ်ထပ် ပေးမယ့် လူတွေ အမှောင်ထဲက ဆွဲထုတ်ပေးမလိုလိုနဲ့  ပိုမှောင်တဲ့ ထောင်ချောက်ထဲ တွန်းပို့မယ့် လူတွေ အယုံလွယ်ပြီး တုံးအတဲ့ အချိန်တုန်းက လူ ဆိုတာ ဘုရားသခင် ပေးတဲ့ လက်ဆောင်မွန် တကယ်က နောက်ကျောကို ထိုးမယ့် ဓား တစ်လက် ငါကလေ လူတွေကို မယုံဘူး လူတွေကြောင့် ရတဲ့ စိတ်ဒဏ်ရာဟာ လူတွေကြောင့် ပျောက်ရိုး ထုံးစံ ရှိလို့လား အခုတော့ ငါက  လူတွေကြောင့်ပဲ ပြောင်းလဲသွား  အရာအားလုံးကိုလေ ပြုံးပြုံးလေးသာ ကြည့်နေမိတယ် ကူညီပါရစေ ဆိုပြီး ဝင်လာတဲ့ လူတွေရော ချစ်ပါတယ် ဆိုပြီး ထွက်သွားတဲ့ လူတွေရော နောက်ဆုံးတော့ ငါလဲ  အပြုံးတွေနဲ့ တည်ဆောက်ထားတဲ့  စိတ်သေကောင် တစ်ကောင်လို ပြုံးပြုံးကြီး ရှင်သန်တတ်သွားတာပေါ့  သိရဲ့လား  ငါကလေ လူတွေကို မယုံဘူး ငါ့ကိုယ်ငါလဲ မယုံဘူး တစ်နေ့တ...

ထေရဝါဒလည်း စစ်တယ်။ ပြည်တွင်းစစ်လည်း ဖြစ်တယ်။ ဗုဒ္ဓရဲ့ ဗြဟ္မစိုရ်တရားဟာ ယမ်းငွေ့တွေကြားမှာ သေတယ် . . . ရုပ်မမြင် သံမကြား သမ္မတတွေ နာဖျားနေတဲ့ ပြည် "ငါးနှစ်တခါ ပေါ်လို့လာ ငါ့သား မင်းလောင်း ထီးဖြူဆောင်း ပေမဲ့" ပြည်သူတွေကတော့... လဲရာ သူခိုးထောင်း ခံနေရဆဲ... တိုင်းပြည်ဆင်းရဲနေရင် ထမင်းတစ်နပ်လျော့စား ဟင်းတစ်ခွက်ပဲ စားတဲ့ အဲဒီလို အမတ်ကြီးတွေက လစာ ၁၀သိန်းကို ပြုံးဖြီးဖြီးယူတယ် ။ တင်နဲ့ရင်သားကြီးရင် ရွှေမင်းသမီးဖြစ်တဲ့...တိုင်းပြည် ဆဲတတ်ရင် ဆယ်လီဖြစ်တဲ့...တိုင်းပြည် ရုပ်သေကြီးတွေနဲ့ ဇာတ်သေကြီးတွေရိုက်ပြီး ရုပ်ရှင် အမည်ခံတဲ့...တိုင်းပြည်        ဒီတိုင်းပြည်မှာ . . . မုဒိန်းမှုတွေပေါတယ်၊ လူသတ်မှုတွေပေါတယ်၊ ဒါ ဘာဆန်းလို့လဲ ။ နားလည်မှုအလွဲတွေနဲ့ အိမ်ကြက်ချင်း အိုးမည်းသုတ် မြွေမသေ၊တုတ်မကျိုး လုပ်ရင်း ခေါင်းဆောင်တွေရဲ့ အတ္တတွေကြားမှာ ဘယ်လောက်မျှော်... မျှော် ငြိမ်းချမ်းရေးဟာ ပေါ်မလာခဲ့ဘူး ။ ဘယ်  ချိုးငှက်မှလည်း  သပြေခက်ချီမလာသေးဘူး ။ ဒီလိုနဲ့ . . . ပေါက်စီနဲ့ ပလာတာက မန္တလာနဲ့ ရခိုင်ကို ဖျာဝင်ခင်းပြီ။ ဒင်းတို့တွေက  အတိတ်မေ့တုန်း....ရွှေပျောက်တုန်း ။ ပုဂံကို အခါခါရောက်...

လူရယ်လို့ ဖြစ်လာရင် ပြည့်စုံသည်ဖြစ်စေ မပြည့်စုံသည်ဖြစ်စေ  ကြိုးစားရုန်းကန်ကြရတော့တာပဲ ကိုယ့်ကိုယ်ကို အေးချမ်းစွာနေရင်းနဲ့ပဲ ဘဝလမ်းခရီးကို အကောင်းမြင်တတ်တဲ့ မျက်လုံး စာနာတတ်တဲ့ နှလုံးသား ကူညီတတ်တဲ့ လက်တစ်စုံနဲ့ လျှောက်လှမ်းကြရအောင် ... San Zuren 🌸

 ပျော်ရွှင်မှုဆိုတာ  ပုတီးတစ်ပတ်လည်းဖြစ်နိုင်သလို  ဆေးလိပ်တလိပ်နဲ့အရက်တစ်ခွက်လည်းဖြစ်နိုင်တယ် ကိုယ်ရွေးတာ ကိုယ့်အပိုင်ပဲ  ဘယ်သက်ရှိရဲ့ သွေးကြောကိုမှ သွားမထိရင်ပြီးရော.. ။ ရိပ်ငြိမ်

ရုတ်တရက် ရလိုက်တဲ့   ပူဆွေးသောကတစ်ခုကြောင့်  ဝုန်းခနဲထလုပ်တဲ့အလုပ်ထက်  ရည်မှန်းချက်တစ်ခုကို ရေရှည်  ရေတိုပန်းတိုင်ထားပြီး အင်နဲ့အားနဲ့  မှန်မှန်လုပ်တာမျိုးက ပိုထိရောက်ပါတယ်... ကလစ် နေ့စဥ် မှန်မှန်နှိပ်၍ ကိုယ့်ဘဝကိုယ် မြှင့်တင်ကြပါ San Zuren 🌸

 

လူစျေးကျ သေနတ်က စျေးတက် ခေတ်ပျက်ကြီးထဲမှာ ။ လယ်သမား စပါးရှာမတွေ့ အလုပ်သမား လုပ်အားပျောက် စစ်စုံထောက်တွေ ကြီးစိုး သူခိုးတွေသာ ခေတ်ထ ဝေမျှစားသောက် မှောက်မှောက်မှားမှာ မတရားတဲ့ ခေတ်ကြီးမှာ ။ တက္ကသိုလ်ကြီးတွေ သင်္ချိုင်းရောက် ပလတ်စတစ်စုတ် ကောက်နေရတဲ့ တို့ကလေးငယ် ထွက်ပေါက်လွယ်ပါ့မလား ။ လူအသက်တွေနဲ့ အဏာစက် တိုင်ထောက်တာဟာ တည်ဆောက်ရေး မဟုတ်ပါ ။ အသက်မဲ့နေတဲ့ ဒီခေတ်ကြီးထဲ မင်းဘယ်လို အသက်ရှင်အောင် မွေးမလဲ ။ တင်မိုး ( ၁၉.၇.၂၀၀၂ ) ကမ္ဘာကဗျာနေ့ ဆီသို့စာစဉ် Toward_Journal

 

▪️ကျွန်တော်က တနင်္ဂနွေနေ့ဆို အပတ်တိုင်း ဥပုသ်ဆောက်တည်တယ်။ တစ်ပတ်တစ်ရက် စိတ်ကို ကြည်လင်အောင် ထားတဲ့သဘောပါပဲ။  တချို့အပတ်တွေမှာ မလွှဲသာမရှောင်သာ ဆိုသလို တော်လှန်ရေးအတွက် လုပ်တဲ့ပွဲတွေမှာ ပါဝင်ရတယ်။ အဲဒီအခါ မင်းသား၊ မင်းသမီးတွေ၊ အဆိုတော်တွေက သီချင်းနဲ့ ဖျော်ဖြေကြတာပေါ့။ ကိုယ် ဆောက်တည်ထားရတဲ့ သီလထဲမှာ အဲဒါတွေ နားမထောင်ရဘူး ဆိုတာ ပါတယ်လေ။ ခက်တာက ဥပုသ်ယူထားလို့ ဆိုပြီး ပွဲထဲကနေ ထွက်သွားလို့ကလည်း မကောင်းဘူး။ ဒီအလုပ်တွေမှာ ပါဝင်နေတယ် ဆိုတာကလည်း အများကောင်းဖို့ လုပ်နေတာပဲမို့ ဥပုသ်ယူထားတယ် ဆိုပြီးလည်း မငြင်းသင့်ဘူးလို့ ခံယူထားတယ်။ လူဆိုတာ မဟုတ်တာ မလုပ်ဖို့ အရေးကြီးသလို၊ ဟုတ်တာတွေ လုပ်ဖို့လည်း လိုသေးတာကိုး။ ငယ်ငယ်ကလိုသာဆိုရင်တော့ သွားပြီ။ ငါတော့ ဥပုသ်ကျိုးသွားပြီ။ ငရဲကြီးတော့မှာပဲ စသဖြင့် ထင်မိမှာ။ အခုကျ ရည်ရွယ်ချက်ကို သိသွားတော့ အဲ့လို မဖြစ်တော့ဘူး။ တအားလွတ်လပ်သွားတယ်။ နေ့စဉ်ဘဝမှာ ပူလောင်မှုတွေကြား လည်ပတ်နေရင်းကိုပဲ အေးချမ်းမှုကို ရှာနိုင်သွားတယ်။  ▪️ဥပုသ်စောင့်ရင် အဲ့လိုတွေ နားမထောင်ရဘူး ဆိုတာက စိတ်မှာ ကိလေသာ အညစ်အကြေးတွေ မဖြစ်အောင်၊ ဒီသီချင်းသံပေါ်မှာ တပ်မက်မှုတွေ မဖြစ်အောင် မလုပ်ခို...

ပြေးဟေ့ ပြေးတော့...... အဲ့ စကားပဲပြောပြီး ဆိုင်ကယ်ကို ဒုန်းဆိုင်းမောင်းသွားတယ်...... နောက်မှာ အထုပ်အပိုးတွေကိုယ်စီနဲ့ တိမ်းရှောင်ထွက်ပြေးလာကြတဲ့ စစ်ဘေးရှောင်ပြည်သူတွေ ကိုယ်တွေစီဘယ်အချိန်ရောက်လာ မလဲတွေးနေတဲ့ လမ်းဘေးဝဲယာက  ပြည်သူတွေကလဲ ရင်ထဲမှာ  တထိတ်ထိတ်နဲ့ ဘေးမှာ  အထုပ်အပိုးလေးတွေချလို့  သူ့တို့အတွေးထဲမှာ အသက်ရှင်ရပ်တည်ဖို့ကလွဲပြီး  ကျန်တာမရှိ ........ ဒိုင်း ဒိုင်း ဒိုင်း....... ခွေးရူးတွေလို အသိစိတ်ကင်းမဲ့နေတဲ့ စစ်ကောင်စီ တပ်သားတွေ ခိုးဖို့ လုဖို့ ဝင်လာကြပြီ လူကြီး လူငယ် ကလေးမှစ  ခွေးအဆုံးထိ အသက်အာမခံမရှိ လွတ်အောင်ပြေးမှ အသက်ရှင်မည် နေအိမ်ကိုစွန့် ရွာကိုစွန့်လို့ ပြေးရရှာပြီ............ တိမ်းရှောင်ရာကနေ ကြားရတဲ့ သတင်းတွေက ပြည်သူ့ပစ္စည်း အများပိုင်ပစ္စည်း ခိုးယူကုန်ကြပြီ ခိုးယူယုံတင်မကပဲ ပြည့်သူ့အိုးအိမ် မီးရှို့ကာဖျက်စီးတော့ ပြာပုံကလွဲလို့တခြားမမြင်..... နှမျှောတသ ဖြစ်ပေမယ့် အသက်ရှင်ရတာကိုက  ကံသီပေလို့ ဆိုပြီး ယူမှတ်နေရတဲ့ ပြည်သူတွေခမျာ မင်းတို့ အားကောင်းတုန်းတော့  လုပ်ထားအုန်းပေါ့ကွာ လို့ ဆိုယုံကလွဲလို့ အခြားမရှိ........ ပြည့်သူ့ကျိန်စာ ပြည့်သူ...

လက်ရှိနိုင်ငံရဲ့ ပဋိပက္ခအခြေအနေဟာ ပိုမိုပြီးအရှိန်တက်လာနေတာကို တွေ့ရမှာဖြစ်ပါတယ်။အညာဒေသရဲ့ တော်လှန်ရေးဟာလည်းစစ်ကောင်စီရဲ့ ထိုးစစ်တွေကြောင့် အထိအခိုက်များနေသလို ပိုမိုပြင်းထန်လာတာ ကိုလည်း မျက်မြင်တွေ့နေရပါပြီ။ အရင်တုန်းက အညာဒေသတစ်ခုတည်းသာ အပြင်းအထန်တော်လှန်နေရသလိုဖြစ်ပေမဲ့ လက်ရှိအချိန် တဟုန်ထိုး ပြင်းထန် လာတဲ့ တောင်ပိုင်းစစ်ရေး ရှမ်းမြောက်စစ်ရေး၊ ရခိုင်ဒေသစစ်ရေးနဲ့ ကရင်နီဒေသစစ်ရေးတို့ ကြောင့် စစ်သံဟာ ပိုမိုကျယ်လောင်လာခဲ့ပါတယ်။  ဒီလိုစစ်ရေးအခြေအနေပြင်းထန်နေစဉ်မှာပဲ စစ်ကောင်စီဟာ နိုင်ငံရေးတည် ဆောက်မှုတွေကို အခွင့်ကောင်းယူ လုပ်ဆောင်နေတာလည်းရှိပါတယ်။ တချို့အိမ်နီးချင်းနိုင်ငံတွေနဲ့ ဆက်ဆံရေးတည်ဆောက်တာ စီးပွားရေးတည်ဆောက်တာတွေလည်းအပြင်းအထန်လုပ်ဆောင်နေကြပါတယ်။  အဲလိုပဲ ပြည်တွင်းနိုင်ငံရေးပါတီတွေ တိုင်းရင်းသားလက်နက်ကိုင်တွေနဲ့ ပြည်သူတွေကိုလည်း နည်းမျိုးစုံသုံးပြီး အပြင်းအထန် စည်းရုံးနေပါတယ်။ စစ်ရေးအခြေအနေမှာ အင်အားကောင်းလာပေမဲ့ နိုင်ငံရေးအခြေအနေမှာ တချို့တွေလက်လွှတ်နေရတာတွေလည်း အထူးသတိထားရမဲ့အခြေအနေပါ။ ဒီလို စစ်ရေးနို်ငငံရေးအားပြိုင်နေကြတဲ့အချိန်မှာ အရေးကြီးလာတာက ပြည်သူလူထုဖြစ်ပါတယ်။ ...

 ကမ္ဘာမြေကြီးပေါ်မှာ  အကုသိုလ်ပန်းတွေ ဝေပုံကလည်း အဖူးပေါ် အညွန့်တက်လို့ တပ်မက်စရာပါလား...အမေ အမေရယ် လေတွေထန်လာလေလေ သားမှာ ကြေကွဲရလေလေပါဘဲ မိုးဦးအကျစောမယ်ဆိုတာလည်း တကယ်တော့ လောကဓံတရားပါလား အိပ်စရာမရှိတဲ့ညတွေမှာ မိုးတွေသိပ်ရွာတာပဲ အမေရယ် ။ အမှောင်နဲ့စိုစွတ် မိုးရေတွေရွှဲရွှဲနစ်လို့ အသံတွေတောင်ငုတ်နေခဲ့ပါပြီ အမေ ။ အမေမသိဘူးလား လူတွေရဲ့ အပြုံးမှာ ကုန်စျေးနှုန်းတွေပါတယ် အမေရဲ့ ။ ဧည့်ခန်းနဲ့ အင်္ကျီကောင်းမှ ဆက်ဆံတတ်တဲ့လူတွေရဲ့ သဘောထားကို သား တူးတူးခါးခါး မုန်းတယ်အမေ ။                                                မောင်ချောနွယ်

စိတ်မကောင်းပါဘူး အဲသလိုလွဲသွားခဲ့ရတာ " ဘောလုံးဟာ ဘယ်ကိုလိမ့်သွားသလဲ " တဲ့  ကဗျာတစ်စ… ငါ့မှာ ရွတ်သမိပါတယ် ဘယ်သိမှာလဲ မဟုတ်ဘူးလား လူတွေ ဇာတ်လမ်းတွေ အကတွေ အချစ်တွေ ထိုင်ငေး တစ်သက်လုံး အာသာငမ်းငမ်းဖြစ် တစ်သက်လုံး ဘာမှမရ ငါ စာအုပ်ဖတ်မယ် ငါ စဉ်းစားခန်းဝင်မယ် နောင်တစ်ကြိမ်တစ်ခါ သို့မဟုတ် အကြိမ်ကြိမ်အခါခါ ကျွန်တော့်ကို ငြင်းပယ်နိုင်ပါတယ် သို့သော်… မင်းကို ငါချစ်တယ် -အောင်ချိမ့်

 

လွမ်း ရ ပါ တယ် အ မေ...  လူ စိတ် ရှိ သူ တိုင်း ရဲ့ နှ လုံး သား ကို မေ တ္တာ တ ရား တွေ နဲ့ သိမ်း ကျုံး ယူ ဆောင် ထား တာ ကိုး... ပြည် သူ့ အ တွက် အ မေ ရှိ တယ် အ မေ့ အ တွက် ပြည် သူ ရှိ တယ် အ မှန် တ ရား ဆို တာ သ စ္စာ ဖောက် ရိုး ထုံး စံ မ ရှိ ပါ ဘူး ကျန်း မာ အောင် နေ ပေး ပါ အမေ ... San Zuren🌸

 

▪️ဗြဟ္မာစိုရ်တရား ဆိုတာ မြင့်မြတ်သူတို့ရဲ့ အကျင့်လို့ အဓိပ္ပါယ်ရတယ်။ လူကောင်းသူကောင်း ဖြစ်ချင်ရင် ထားရမဲ့ စိတ်ထား ၄ ခုပေါ့။ မေတ္တာဆိုတာ မိတ်ဆွေတစ်ယောက်ရဲ့ စိတ်ထားမျိုး။ ကိုယ်ချစ်တဲ့ ခင်တဲ့သူဆို ကောင်းစေချင်တယ်။ အဆင်ပြေစေချင်တယ်။ ပျော်စေချင်တယ်။ အဲ့လိုစိတ်မျိုးကို ဘယ်သူ့အပေါ်မှာမဆို ထား။ ကရုဏာကျ သနားတတ်တာ။ ကြင်နာတတ်တာ။ ခုဆို လူပေါင်းများစွာ ဒုက္ခဆင်းရဲ ရောက်နေကြတယ်။ ကရုဏာတရား များများရှိလေ ပိုပြီး ကူညီဖြစ်လေပဲပေါ့။ မုဒိတာဆိုတာကျ အောင်မြင်သွားတဲ့သူတွေ၊ ကိုယ့်ထက် အဆင်ပြေနေတဲ့သူတွေကို မနာလို မဖြစ်ဘဲ ဝမ်းမြောက်ပေးတာ။ ဒါသည်လည်း အရေးကြီးတာပဲ။ မနာလိုစိတ်ဟာ ပြဿနာပေါင်းများစွာ၊ ပဋိပက္ခပေါင်းများစွာကို ဖြစ်လာစေတာမို့လား။ ▪️ထူးခြားတာက ဥပေက္ခာပဲ။ အရပ်ထဲမှာ ပြောကြသလို လျစ်လျူရှုခြင်း၊ တာဝန်မဲ့ခြင်း (Negligence) ဆိုတဲ့ အဓိပ္ပါယ်တော့ မဟုတ်ဘူး။ အဲ့လိုသာဆို မြင့်မြတ်သူတို့ရဲ့ အကျင့်စရိုက်ထဲ ဘယ်ပါပါ့မလဲ။ တကယ်တမ်း သူ့ရဲ့ အဓိပ္ပါယ်က စိတ်၏ တည်ငြိမ်မှု (Mental equanimity) ဖြစ်ပါတယ်။ ပတ်ဝန်းကျင်၊ အခြေအနေပေါ် လိုက်ပြီး အတက်အကျနည်းတဲ့ စိတ်ကို ခေါ်တာ။ ရှေ့က မေတ္တာ၊ ကရုဏာ၊ မုဒိတာတွေကို သူက နောက်ဆုံးကနေ ပဲ့ကိုင်ပြ...

(၁) ခုလိုကာလ ခဏတော့နေပါစေ နေအလာအလင်းဖြန်းရင် နန်းဇာတိရုပ်ပေါ်လိမ့်မယ်။ ကျင်လုံ လို အလိုတော်ရိဇာတ်ကောင်ကမှ ကြည့်ရကောင်းပါသေးတယ် ။ (၂) အခုတေလာ ခေတ်အစားဆုံး ဧရာမလှုပ်ရှားမှုဟာ အစည်းအဝေးပါပဲ ။ ဒါလဲ ရောဂါပဲ လို့ ငါ့ရဲဘော်ကပြောဖူးတယ်။ (၃) ဒီကောင်က ကြောင်တယ် ဖောက်ပြန်တယ်...တဲ့။ ကျွန်တော်ဟာ တော်လှန်တယ် မှန်ကန်တယ်တဲ့ သတင်းပေး..နဲ့ မိတ်ဖွဲ့ခဲ့သူက သူရသတ္တိကြီးမားစွာ အခန်းမှာမရှိသူအား စွဲချက်များ တင်ရဲ့။ စာစဖတ်ခါစ အစည်းအဝေးတက်လေ့ကျင့်သူ စကားပြောလေ့ကျင့်သူ လူမမယ်တစ်စုဟာလည်း ဟုတ်ပါတယ်... တဲ့။ ထောက်ခံပါတယ်တဲ့ .. ဟန်နဲ့ပန်နဲ့ ထအော်တယ်။ (၄) သြော် ဇလုပ်ပြသံ အပုတ်ချသံ ပုတ်ခတ်သံ ခုတ်ဖြတ်သံများ ရန်ကုန်မှာ သံစုံမြည်ဟည်း တော်လှန်ရေးကြီးတစ်ခုပေါ့လေ။ (၅) (၆) ပါလီမန်ခေတ် အသံချဲ့ဓါတ်ခွက်နဲ့ ဆက်သွယ်တဲ့အလုပ် လုပ်နေသူတွေလဲ လုပ်နေတာပါပဲ။ သူရဲကောင်းများ စကားနှုတ်ဆိတ် အလုပ်ကြိတ်လုပ်သွားခဲ့တယ်။ ငါဦးခိုက်ရှိခိုးမယ်။ (၇) အို ..သူရဲကောင်းတို့ ခြေအစုံမှ မြေတစ်မှုန်ကျန်ရစ် အောင်ချိမ့် ဖြစ်တယ်။ တစ်လောကလုံး အကျည်းတန်ဆုံးအရာဟာ သစ္စာဖောက်မျက်ခွက်ဖြစ်တယ်။ ။ အောင်ချိမ့် (ပန်းနုရောင်အိပ်မက် ကဗျာစုမှ)

မင်းလည်း အဒမ်စမစ်ကိုမဖတ်ဖူးဘူး ငါလည်း အရင်းကျမ်းကိုမဖတ်ဖူးဘူး ပါရီသန်းခေါင်ယံအချိန်ပဲဖြစ်ဖြစ် ပါရီမီးလောင်နေချိန်ပဲဖြစ်ဖြစ် အရက်မူးနေတဲ့ပန်းချီဆရာတစ်ယောက်က မွန်ပါနာဆေရပ်ကွက်လေးကိုချစ်သလို မင်းကိုငါချစ်တယ် နိုင်ငံရေးဆိုတာ စီးပွားရေးပဲ အချစ်ရေးဆိုတာ လူမှုရေးပဲ ငါတို့အခန်းလေးကို မီးပိတ် ငါတို့အိပ်ရာလေးကို ဖြန့်ခင်း စစ်ကြီးပြီးရင် အချစ်သီချင်းလေးတွေပဲနားထောင်ကြမယ် ချစ်သူများသာ အဓွန့်ရှည်ပါစေ ။ /ကြည်ဇော်အေး

အမြဲတမ်းကော့နေအောင်အရိုက်ခံလိုက်ရတဲ့  ကျောတွေပါ အရှိုးရာအပြည့် မနက်ဖြန်တွေအကြောင်း  စဉ်းစားရင်း တိုး၀င်လိုက်ရတဲ့အမှောင်ထု အောက်ဆီဂျင်ပြတ်လတ်သွားတဲ့သစ်ပင်လေးကအစ မတော်တဆ/တမင်သက်သက် လက်နက်ကြီးထိသွားတဲ့ အိမ်ခေါင်မိုးတွေ နိုင်ငံရေးသမားတွေကပြောတယ် ပြည်သူဟာ အမြဲမှန်တယ်တဲ့ ဟုတ်ကဲ့ အဲ့ဒါ ပစ်မလွဲတဲ့ကျနော်တို့ရင်ဘတ်တွေပါ ဘယ်ဘက်က ပစ်ပစ် နစ်၀င်တော့မယ့် နှလုံးသားထဲမှာ *တ‌စ်ရေးမှမပျော်တဲ့ည မှောင်လွန်းနေတယ် တွေ PlugX *ကိုနေ၀င်း နောက်ဆုံးအိပ်မက်

 

 ပြက္ခဒိန်တွေကို  နောက်ပြန်လှန်ချင်တယ်  ဒီနှစ်ပိုင်းတွေမှာ  ကျွန်တော်မပျော်ဘူး မေမေ  -ကိုကံကောင်း Poemency 

 ကိုယ့်ဆီမှာ မရှိတော့တဲ့အရာကိုလဲ လွမ်းမနေဘူး မရှိနိုင်တဲ့အရာက်ုလဲမျှော်မနေတော့ဘူး  ရှိတဲ့အရာတွေနဲ့ကျေနပ်တယ်  တစ်ခုပဲဘဝဟာ  လက်ခုပ်တဖြတ်တီးရုံလောက်ကိုတိုပါတယ် ပျော်ပျော်နေပီး သေသွားဖို့ပဲလိုတယ်မဟုတ်လား AURUM’s

  ခြေရာတွေ နွမ်းနယ် နွေကို ထမ်းသယ်လာသလား ဝေဒနာ ပန်းသည် ကဗျာ (4OEMS) ပုံ(Hanreality)

တစ်ဖက်က ချိုမြိန်မှု တစ်ဖက်က ပြင်းရှမှု ဆန့်ကျင်ဘက်တွေနဲ့တွဲဖက်ရေး စတော်ဘယ်ရီဟာလည်း ချိုမြိန်သလို စွဲလန်းတယ် စီးကရက်ဟာလည်း ပြင်းရှသလောက် စွဲလန်းတယ် နှလုံးသားအလယ်တည့်တည့် စိုက်နစ်သွားတဲ့ အပြုံးတစ်ပွင့်ကိုရော ဘာအရသာလို့သတ်မှတ်ကြမလည်း မင်းနှုတ်ခမ်းက တပ်မက်ချင်စရာအပြည့် ဗုဒ္ဓဟောကြားတဲ့တရားတွေထဲ အချစ်နာကျခြင်းတရားပါလား သေချာတာတစ်ခုကတော့ Julyရဲ့မိုးစက်တွေနဲ့အတူ ကိုယ်ရဲ့မပျော်ရွှင်မှုတွေလည်း  တရပ်စပ်ရွာသွန်းနေမယ် ပျိုပျိုမေရယ်... -ကျွန်တော်

 လူတိုင်းက ကိုယ့်ဘဝကို ရွေးချယ်ပိုင်ခွင့်ရှိကြတာပဲ ဘယ်သူကမှ ပိုပျော်နေရတယ်ဆိုတာမျိုးလည်း မဟုတ်သလို ကိုယ်ရပ်တည်နေရတဲ့ဘဝကိုကျော်ပြီး တခြားဘဝတွေကို လှမ်းအားကျနေရင်လည်း  လက်ရှိဘဝမှာ နေမပျော်ရုံက လွဲရင်  ဘာမှတခြား ဖြစ်လာနိုင်ချေတော့ မရှိပါဘူး  တစ်နေ့လုပ် တစ်နေ့စားဘဝနဲ့ပဲနေပျော်ကြပြီး  အလှူအတန်းသွားလိုက် မရှိရှိတာနဲ့ သုံးစွဲပျော်ပါးတတ်ကြတဲ့ အခြေခံလူတန်းစားလည်း ရှိသလို  စည်းစိမ်းတွေကြားနေရတာတောင် မလောက်မငှနိုင် ဒီ့ထက်ပိုပြီး ကြွယ်ဝချမ်းသာချင် ရှိသမျှမသုံးမစွဲနိုင်ဘဲ ပူပင်သောကရောက်နေတဲ့ ကြွယ်ဝတဲ့လူတန်းစားလည်းရှိတာပဲ  ကလေးမရှိဘဲ နှစ်ယောက်တည်းပျော်ပျော်ရွှင်ရွှင်နေထိုင်ကြတဲ့ လင်မယားတွေလည်းရှိသလို  မိသားစုဝင်တွေများပြီးစည်းလုံးမှုမရှိဘဲ ပြိုကွဲနေကြတဲ့ မိသားစုတွေလည်းရှိတာပဲ  မြို့ပြကမှ ပျော်ရတာမဟုတ်ပါဘူး  တောရွာတွေကလည်း ပျော်ရပါတယ်  ချစ်ခြင်းမေတ္တာနဲ့ လူသားဆန်မှုကို လူလတ်တန်းစားဆီမှာ အများဆုံး အတွေ့ရဆုံးပဲဆိုတာလည်း ငြင်းလို့ မဖြစ်ပြန်ဘူး  ဘယ်လိုဘဝမျိုးကမှ ပျော်ရတယ်လို့ လောကကြီးက ပုံသေကားချပ်မရှိပါဘူး အဓိကက ကိုယ်ရဲ့ဘဝကို ကျေနပ်နိုင်ဖို့၊ကြိ...

  ဖရိုဖရဲအခြေအနေတွေထဲမှာတင် မထင်မှတ်ဘဲ ဆုံစည်းခဲ့တယ် အမှတ်တမဲ့တွေက အမှတ်တရတွေဖြစ်ကုန်ကြတယ် ခဏတာကံတရားဟာ  ဘဝရဲ့အခိုက်အတန့်တစ်ခုဖြစ်ခဲ့ပြီး စိတ်ခံစားချက်တွေကို အကုန်သိမ်းကျုံးယူသွားတယ် နာကျင်မှုကမင်းလိုဘဲလှပတော့ ထပ်ခါထပ်ခါ လိုချင်နေမိတယ် မင်းနဲ့ကိုယ်ရဲ့ အထိအတွေ့တွေကြား အချစ်ဟာ  ငြိမ်းချမ်းရေးနဲ့အောက်ချင်းငှက်တွေ သယ်ဆောင်လာခဲ့ပေမယ့် မျက်ရည်နဲ့ဝေးကွာရခြင်းဟာ ကျောနောက်မှာကပ်လျက်ပါလာခဲ့တယ် -ကျွန်တော်

သူများမကောင်းတာနဲ့   ကိုယ်ကလိုက်မကောင်းဖို့ မလိုပါဘူး  သူကောင်းကောင်း မကောင်းကောင်း  ကိုယ်ကောင်းဖို့ အဓိက ကိုယ့်လုပ်ရပ်က ကိုယ်တန်ဖိုးပါ သူလုပ်ရပ်က သူ့တန်ဖိုးပါ San Zuren 🌸

 

 သင်အနားကိုရောက်မလာသေးသရွေ့တော့  ရက်စက်တဲ့‌နှင်းမုန်တိုင်းတွေဟာ ဒဏ္ဍာရီပုံပြင်ဆန်လွန်းပါတယ် မဟုတ်လား PlugX

Igor Blazevic ရေးသားသည်။ အောင်နိုင်မည့်သူအဖြစ် ဖြစ်နိုင်ခြေအရှိဆုံးဖက်အားမှန်းမျှော်ကြည့်ခြင်း ၂၀၂၁  ခုနှစ် ဖေဖော်ဝါရီလတွင် အာဏာသိမ်းရန် ကြိုးပမ်းချိန်မှစ၍ မြန်မာနိုင်ငံ၏ အိမ်နီးချင်းနိုင်ငံများ နှင့် အခြားနိုင်ငံတကာက အဆုံးတွင် မြန်မာစစ်တပ်က အောင်နိုင်မည်ဖြစ်ပြီး နွေဦးတော် လှန်ရေး အရေးနိမ့်လိမ့်မည်ဟု ကာလကြာရှည်စွာပင် မှန်းဆခဲ့ထားခဲ့ကြပါသည်။  နိုင်ငံများသည်စစ်တပ်၏ ရက်စက်ကြမ်းကြုတ်သော အကြမ်းဖက်မှုများ လုပ်ဆောင်ခဲ့သည်ကို မကြိုက်ကြသည့်အပြင် ပြီးခဲ့သည့်ဆယ်နှစ်အတွင်း နှေးကွေးသော်လည်း အလားအလာ ရှိသော အသွင်ကူးပြောင်းရေးအား စစ်တပ်က နှောင့်ယှက်ခဲ့ခြင်းအပေါ်နိုင်ငံများက စိုးရိမ်ပူပန်မှုများ ရှိနေခဲ့ပါသည်။ သို့သော်လည်းအဆုံးတွင် “စစ်တပ်သည် ခိုင်မာလွန်းပြီး၊ အကြမ်းမဖက်ဘဲလက်နက်မဲ့ ဆန္ဒပြသူများဖက်သည်အားနည်းလွန်းသည် ” ဟု ၎င်းတို့၏အကဲဖြတ်ထားချက်ကိုမူ မပြောင်းလဲခဲ့ ကြပေ။ (ပူတင်မှလွဲ၍) စစ်တပ်၏ အာဏာသိမ်းမှုကို တိုက်ရိုက်ထောက်ခံသည့် နိုင်ငံထဲတွင် မည်သည့်နိုင်ငံမှ မပါဝင်ချင်ကြပါ။ သို့သော် နှိမ်နင်းခံရမည်ဟု ယူဆထားကြသောကြောင့် နွေဦးတော်လှန်ရေးတွင် သံတမန်ရေးဆိုင်ရာ အရင်းအနှီးကိုလည်း မည်သူမျှ မမြှုပ်နှံခ...

 ကမ္ဘာမြေကြီးပေါ်မှာ  အကုသိုလ်ပန်းတွေ ဝေပုံကလည်း အဖူးပေါ် အညွန့်တက်လို့ တပ်မက်စရာပါလား...အမေ အမေရယ် လေတွေထန်လာလေလေ သားမှာ ကြေကွဲရလေလေပါဘဲ မိုးဦးအကျစောမယ်ဆိုတာလည်း တကယ်တော့ လောကဓံတရားပါလား အိပ်စရာမရှိတဲ့ညတွေမှာ မိုးတွေသိပ်ရွာတာပဲ အမေရယ် ။ အမှောင်နဲ့စိုစွတ် မိုးရေတွေရွှဲရွှဲနစ်လို့ အသံတွေတောင်ငုတ်နေခဲ့ပါပြီ အမေ ။ အမေမသိဘူးလား လူတွေရဲ့ အပြုံးမှာ ကုန်စျေးနှုန်းတွေပါတယ် အမေရဲ့ ။ ဧည့်ခန်းနဲ့ အင်္ကျီကောင်းမှ ဆက်ဆံတတ်တဲ့လူတွေရဲ့ သဘောထားကို သား တူးတူးခါးခါး မုန်းတယ်အမေ ။                                                မောင်ချောနွယ်

  မင်းတို့ ယုံယုံ မယုံယုံ  ငါ့အမေက ဗေဒင်တွေမေးမှာ  ယတြာတွေ ချေမှာ  ပရိတ်တွေ ရွတ်မှာ  အိပ်မက်တွေ မက်မှာ ဖယောင်းတိုင်တွေ သက်စေ့ထွန်းမှာ  သူကြားသမျှ ဓာတ်စာတွေ စားနေမှာ သူကြားသမျှ ဓာတ်စာတွေ ကျွေးနေမှာ မင်းတို့ ယုံယုံ မယုံယုံ  ဒါ ငါ့အမေ ငါတို့ကို ကာကွယ်နေတာ  ကမ္ဘာကြီး တခုလုံး ပြိုလာလည်း  ငါ့ အပေါ် မကျ  ငါ့အမေက ထမ်းထားမှာ ။ မောင်မြတ်သူ

 

သူငယ်ချင်း မင်း ကိုယ်ပေါ်မှာ ဆေးမင်ကြောင်တွေ ရှိတယ် မင်း သမိုင်းကိုရော မင်း ဆေးမင်ကြောင်တွေ ထိုးပြီးပြီလား။ ငါတို့ တစ်ယောက်နဲ့တစ်ယောက် နီးလျက်နဲ့ ဝေးခဲ့ကြ ဝေးလျက်နဲ့ နီးခဲ့ကြ ဘာပဲဖြစ်ဖြစ် တို့ခရီးက မဆုံးသေးဘူးလေ ဒီလိုပဲ ချေးထုပ်တွေကို ကျော်လွှားရမှာပေါ့။ ငါတို့ ပျော်ခဲ့ကြတယ် ငါတို့ အော်ခဲ့ကြတယ် ငါတို့ မျှော်ခဲ့ကြတယ် ငါတို့ရဲ့ ကျော်ကြားမှုများဟာ နှစ် ၄၀ ခံစားမှုတွေများလား။ နှစ်တွေလည်း ရူးသလို ပေါသလို ကုန်ဆုံးသွားခဲ့ပြီ ဒီလိုအနေအထားမှာ သေသွားတဲ့ သူငယ်ချင်းတွေကို သတိရတယ် မသေမရှင် သူငယ်ချင်းတွေနဲ့ သေချင်ယောင် ဆောင်နေတဲ့ သူငယ်ချင်းတို့ရေ တို့နောက်က ဆံပင် နီကြောင်ကြောင် မျိုးဆက်ကို တို့ ဘာတွေ လက်ဆင့်ကမ်းနိုင်ခဲ့ပါသလဲ။ တစ်ချိန်တုန်းက ရန်ကုန်မြို့ကြီးက လှိမ့်တာလား ငါတို့က လိမ့်တာလား ငါတို့ ဂေါ်လီလို ဟိုလှိမ့် ဒီလှိမ့် လိမ့်ခဲ့ကြတယ် ငြိမ့်ခဲ့ကြတယ် ခေတ်ကြီးကလည်း ဖိန့်နေတာကိုး ဟစ်ပီယောင်ယောင် ဂျစ်ပစီယောင်ယောင် စနစ်တစ်ခုရဲ့ သားကောင်တွေ ဖြစ်ခဲ့ပေမဲ့ ငါတို့ ဓားတောင်ကို ကျော်ပြီး မီးပင်လယ်ကို ဖြတ်နိုင်ခဲ့တာပဲ မဟုတ်လား။ ငါတို့ ဘဝမှာ မေ့လို့မရတဲ့ နေရာတွေ ရှိတယ် ...