SSN Times

အကျဉ်းကျနေတဲ့နေရောင်အောက်မှာ အသက်ရှူရတာကအစ မလွတ်လပ် လေဟာမောပမ်း မြေဟာနွမ်းနယ် ဝေးကွာခြင်းဟာ မီးရထားသံလမ်းများကို အရည်ပျော်ကျသွားစေတယ် စစ်ကြီးပြီးရင် ခန်းစီးအသစ်တွေလဲကြမယ် ပျော်စရာကောင်းတဲ့ ဖျော်ရည်တွေသောက်ကြမယ် ဘုရားစင်ပေါ်မှာ အလှဆုံးနှင်းဆီပန်းတွေ ပူဇော်ကြမယ် တောင်းရမယ့်ဆုက ချစ်သူများသာ အဓွန့်ရှည်ပါစေ။ -ကြည်ဇော်အေး

ငါ နောက်ဆုတ်ချင်ပေမယ့် နောက်ဆုတ် မရခဲ့ဘူး။ ငါ့နောက်မှာ ငါ့ရှေ့မှာ ငါ့ဘေးမှာ မားမားမတ်မတ် လမ်းလုံးပြည့် ရပ်နေတဲ့ ငါ့ ညီအစ်ကိုတွေ။ မောင်တင်သစ်

လက်ရှိ နွေဦးတော်လှန်ရေးမှာ တစ်ဦးတစ်ယောက် တစ်စုတစ်ဖွဲ့ရဲ့ ခေါင်းဆောင်မှုဆိုတာ လုံးဝမရှိပါဘူး။ ဘာဖြစ်လို့လဲဆိုတော့ ပြည်သူက ဦးဆောင်ခဲ့တာထင်ရှားနေလို့ပါပဲ။ အာဏာစသိမ်းတဲ့အချိန်မှာ အွန်လိုင်းပြည်သူ့လှုပ်ရှားမှုတွေပေါ်ခဲ့တယ်။ အင်တာနက်တွေဖြတ်လိုက်တဲ့အခါ လူငယ်တွေ လမ်းပေါ်ထွက်လာတယ်။ တက်ကြွလှုပ်ရှားသူတွေ ကျောင်းသားသမဂ္ဂတွေပါ ပါဝင်လာတယ်။ နိုင်ငံ့ဝန်းထမ်းCDM လှုပ်ရှားမှုစတင် လာတယ်။ အဲဒီနောက် မှ လွှတ်တော်ကိုယ်စားပြုကော်မတီဖွဲ့ပြီး နိုင်ငံရေးဦးဆောင်မှုက နောက်ကလိုက်လာ တာဖြစ်ပါတယ်။ ဒါကြောင့် လက်ရှိတော်လှန်ရေးဟာ ပြည်သူတွေရဲ့ စုပေါင်းခေါင်းဆောင်မှုနဲ့ပေါ်ထွက်လာတဲ့တော်လှန်ရေးလို့ခေါ်ရတာဖြစ်ပါတယ်။ တော်လှန်ရေးမှာ တက်လာတဲ့အဆင့်တိုင်း အဆင့်တိုင်းကိုလည်းပြည်သူတွေကပဲဦးဆောင်ခဲ့တာဖြစ်ပြီး နိုင်ငံရေး ဦးဆောင်မှုတွေဟာ နောက်က လိုက်ခဲ့ရတာပဲဖြစ်ပါတယ်။ ဥပမာ လက်နက်ကိုင်တော်လှန်ရေးထောက်တိုင်ပေါ်ပေါက် လာရာမှာလည်း စစ်ကိုင်းတိုင်းနဲ့ ချင်းပြည်နယ် ဟာ ပြည်သူ့ကာကွယ်ရေးတပ်မတော် PDF ဆိုတာ ပေါ်ပေါက်မလာခင်ကပဲ ရရာလက်နက်စွဲကိုင် တိုက်ပွဲဝင်ခဲ့ကြတာပါ။ ဒါဟာလည်း ပြည်သူဦးဆောင်တယ်လို့ပဲ ပြောလို့ရတယ်။ ဆိုလိုချင်တာက ဒီတော်လှန်ရေးမှာ ဘယ်အစုအ...

လူ့ဘဝဆိုတာ ဝိုင်အရက်လိုပဲ အချိန်ကြာလေ ချဉ်စုတ်စုတ် ယစ်မူး‌မှုတွေတော့ ကျန်လျက် ဘဝရဲ့အစွန်အဖျားမှာ သေမင်းလာခေါ်ဖို့စောင့်ရင်းနဲ့ လူအိုတစ်ယောက် တဖျောက်ဖျောက်သေကုန်ကြတဲ့ နောင်တော်တွေအထဲက ရှင်သန်ကျန်ရစ်တဲ့ ငှက်အိုတစ်ကောင် မော်ဒန်ခေတ်ရဲ့ ဗိသုကာ လူနေတဲ့တိုက် ဝရန်တာမှာ အဖိုးကြီးနှစ်ယောက်ဆုံပြီပေါ့ အရှေ့မှာ မြင်နိုင်တာထက် ပိုတဲ့ မိုးကုပ်စက်ဝိုင်းကြီး ဟေး ငှက်အိုကြီး မင်းက အသက်ကြီးတာတောင် ပျံနိုင်သေးတယ် ငါကမွေးကတည်းက မင်းလိုပျံနိုင်လောက်အောင် လက်ကမသန်ခဲ့ဘူး အပျံသင်ပါရစေဗျာ ငှက်အိုကြီးခမျာ ငြင်းရရှာ ဘဝကိုတန်အောင် နေပါဗျာ မင်း သားသမီးတွေရော အဖိုးကြီးက မေးတယ် ဪ အတောင်စုံလို့ ကောင်းကင်ဘုံမှာပျော်နေကြပြီလေ ငှက်အိုကြီးက ပြုံးပြုံးလေးဖြေတယ် အေးကွာ ငါ့သားတွေရောပဲ အဖိုးကြီးက ပြုံးတယ် ဤညနေခင်းလေးထဲက နှလုံးသားချင်းဆက်တဲ့ အဖိုးကြီးစကားဝိုင်း Tommy

ပန်းတွေဟာကြွေပြီးရင်အသစ်ပြန်ဝေတယ် ငါတို့တွေကတော့အပိုမပါတဲ့အသက်နဲ့ အကြောက်တရားကိုရင်ခွဲကြည့်ကြတယ် နှင်းဆီပန်းတွေကိုကိုယ်စီပန်ဆင်လို့ သေခြင်းတရားဟာဘာလည်းဆိုပြီး အသီးသီးDiaryရေးသားကြတယ် လမ်းချင်းတူလို့တွေ့ကြရတဲ့ မိတ်ဆွေတွေဟာအများသား ဘောင်းဘီအိပ်ကပ်ထဲဟိုစမ်းဒီစမ်း နှိုက်ကြည့်တော့ထွက်လာတာက ငွေနဂါးတစ်လိပ်နဲ့ပီကေတစ်ခု ကဗျာဆရာဟာကဗျာနဲ့ဘဲလိုက်ဖက်တာပါ ငြိမ်းချမ်းခြင်းဟာတူတူပုန်းတမ်းဆော့ရင်း နတ်ဖွတ်တဲ့အလင်းဖုံးသွားခံရတာလား ကမ္ဘာကြီးဟာလည်းသူအနာနဲ့သူ ပျော်ရွှင်မှုကိုမပျော်နိုင်တာပါ နွေဦးဟာသစ်ရွက်တွေနဲ့အတူ ကြယ်တွေကိုပါဖဲ့ခြွေနေတယ် တို့ပြည်ဟာလူငယ်တွေဟာ သမိုင်းရဲ့ စာမျက်နှာတွေပေါ်မှာမှင်စက်တွေဖြစ်ရ ရှင်သန်နေရတာ ငြီးငွေ့နေပြီ တောထဲကရဲဘော်တွေကိုအားနာရတယ် စစ်ဘေးရှောင်တွေကိုအားနာရတယ် သံတိုင်ကြားကသူတွေကိုအားနာရတယ် ကျဆုံးသူရဲကောင်းတွေကိုအားနာရတယ် နွေဦးရေ ခြောက်သွေ့နွေးထွေးမှုကို အိမ်အပေါက်ဝရှေ့ပြန်ထားပေးပါတော့ -ကျွန်တော်

 အပြစ်ရှိတယ်ထင်မိတဲ့အခိုက်အတန့်ကိုရောက်နေရသူချည်းပါပဲ၊ ရွာလုံးကျွတ်မီးရှို့ခံလိုက်ရတဲ့သတင်းကအစ ပြာဖြစ်သွားတဲ့ ယုံကြည်ချက်တွေကြောင်းအဆုံး။ အမှောင်ဖုံးနေတဲ့ ကောင်းကင်အောက်မှာတော့ ကျနော်တို့မယ် အသက်၀အောင်မရှုရဲတဲ့ သက်ပြင်းအမောညတွေပဲ ရှိတော့တယ်။ PlugX

 မေမေ...လူတွေကထင်ထားတာထက်ရက်စက် ကြမ်းကြုတ်တယ်။ မေ့လွယ်ပျောက်လွယ် ၊ ပြီးဆုံးလွယ်လွန်းတဲ့ နေ့ရက်တွေထဲ ယုံချင့်စရာကောင်းခဲ့တဲ့ ပုံပြင်တွေဟာ အငွေ့ပျံကုန်ကြပြီထင်ပါရဲ့။သားတို့ပဲ နောက်ဆုံးတိုက်ပွဲဆီချီတက်ဖို့ကျန်ခဲ့ပြီလားအောက်မေ့ ရမတတ်တိတ်ဆိတ်ကုန်ကြပြီ။  ကြယ်တွေလည်းတဖြုတ်ဖြုတ်ကြွေကုန်ကြပြီ။ လေကြမ်းတွေလည်းတရစပ်မရပ်မနားတိုက်နေတုန်းပဲ။ရာသီဥတုနဲ့ ဘေးပတ်၀န်းကျင်ရှုခင်းတွေဟာ နှလုံးသားကိုတဆစ်ဆစ်ဖျားနာစေခဲ့ပြီ။  ဒါပေမယ့်မေမေ သားယုံကြည်ချက်မှ အရောင်တစ်စွန်းတစတောင် စွန်းထင်းမနေသေးပါဘူးမေမေ။ PlugX

  နေခြင်းနဲ့သေခြင်းကြားမှာ ဆုံမှတ်တစ်ခုရှိမယ်ဆို အဲ့တာနှင်းဆီဆူးနဲ့ ငြိမိချိန် ထိသွားတဲ့ တစ်ဘ၀စာ ဒဏ်ရာလေးပါပဲ ကိုယ်တော့ ရေခဲခေတ်ထဲအထိ မင်းကိုခေါ်သွားခဲ့လိုက်မိ‌တယ်ကလေးရေ ကျေးဇူးပြုပြီဒဏ်ရာလေး အရည်ပျော် ပျောက်ကျမသွားပါစေနဲ့ကွယ်။ PlugX

 

တစ်ဘဝလုံးလိုလို ငါးရယ်လို့ တစ်ကောင်တစ်လေမှ မမိ ကြည့်... မိမယ့်မိတော့ စကြဝဋ္ဌာကြီး အပေါ်ဆွဲတင်လိုက်တော့ ငါ့ငါးမျှားတံဟာ ကိုင်းညွှတ်ပြီး သက်တန့်ဖြစ်သွား ငါ့ကို ပြန်မျှားခဲ့ပေါ့။ ။ -မောင်ချောနွယ်

အစက ဂေါ်သမ်လို့ကိုယ်ထင်မိတာပဲ။ ပြည်တော်၀င်သီချင်းအခုလိုပြန်လည် ဆန်းသစ်လာလိမ့်မယ်လို့  မတွေးမိကြတဲ့ ညနေတွေ။ ကျုံးရေထဲမှာ သူရဲကောင်းတွေ၊ သူဖုန်းစားတွေ၊ သူကြွယ်သူဌေးတွေ၊ သန်လျက်ရာ‌ဗရပွနဲ့ အပိုင်းပိုင်းပြတ်ခုတ်စတွေ ။ အဲ့ဒီအနံ့တွေ လှိုင်လှိုင်ထနေတဲ့  ရေငွေ့တွေကို  ၂၆ဘီလမ်းတစ်လျှောက်လူတွေ ပျားအုံလို စုစုပြီး ရှုရှိုက်နေခဲ့ကြတာပဲ။ အစက အုတ်ကျစ်ကျော်အေးရဲ့ အဓိပ္ပါယ်မသိသူတွေ၊ အဓိပ္ပါယ်တွေက ဘာမှသောက်ရေးမပါပါဘူးကွာလို့ ပြောလေ့ပြောထရှိတဲ့ ကလစ်ဆိုင်ကယ်အနက်ရောင်ပေါ်က လူငယ်တွေ၊ *ချစ်ခင်ကြတဲ့ အားလုံးမိတ်ဆွေ ...နေ့တိုင်းပဲသတိရတယ်လေ။ သိပ္ပံလမ်းပေါ် ဘရုစ်ဝိန်းတွေတွေ့မိသေးလား။ ဗျူဟာကျကျ ပျော်ရွှင်မှုဆိုတာ  ထမင်းကြော်ဆိုင်တွေက အတို့အမြှုပ်တွေ၊မန္တလေးလို့ပြောလိုက်ကာ ရှိသေး ရင်ခုန်သံတွေကျယ်သွား၊ လောင်သွား ပိုမို  သတိရသွား ကိုယ်တို့အစက ထင်မိတာ ဓါးသမားတွေ ၊  ဆေးဘဲတွေ၊ ပေါ့ပေါ့ပါးပါးလုယက်မှုတွေပဲရှိတဲ့ ဂေါ်သမ်ပေါ့ နောက်တော့သေနတ်သမားတွေက  ကျုံးဘေးမှာ ။ ၂၆ ဘီလမ်းနဲ့ ၇၃လမ်းမီးပွိုင့်ထောင့်မှာ ကိုယ်တို့ဆိုင်ကယ်တွေ အရင်လိုရပ်မရတော့ဘူး။ စကားတွေအကျယ်ကြီးအော်ပြီး ၇၈လမ်းပေါ် ဆိုင်ကယ်စီးလ...

 အိပ်မရတဲ့ညတွေ
 တကယ်ရှိခဲ့တာပါ။ 

အဲ့ညတွေကလည်း
 နေသားကျပေါ့။

 -အေးချမ်း

မမေ့ဘူး ဘယ်တော့မှ မမေ့ဘူး ‘ ခဏလောက် ခေါ်သွားပါရစေ စစ်ဆေးပြီးရင် ပြန်ပို့ပေးမယ် . . . ’ အဲဒီညကို ဘယ်တော့မှ မမေ့ဘူး ညို့သကျည်းကို မျဉ်းလုံးနဲ့ လှိမ့်ခံခဲ့ရတာကို ဘယ်တော့မှ မမေ့ဘူး ပလတ်စတစ်အိတ်ကြီး စွပ်ပြီး ဘယ်ပြန်ညာပြန် ပါးရိုက်ခံခဲ့ရတာကို ဘယ်တော့မှ မမေ့ဘူး အိမ်ထဲမှာ ဘီယာဘူးခွံ စုတ်လေးနဲ့ အိမ်သာသုံးရေကို ခိုးသောက်ခဲ့ရတာကို ဘယ်တော့မှ မမေ့ဘူး စားထားတဲ့ ထမင်း အတောင့်လိုက် အန်ထွက်လာအောင် ရင်ဝ ဖနောင့်နဲ့ ပေါက်ခံခဲ့ရတာကို ဘယ်တော့မှ မမေ့ဘူး သမံတလင်းပေါ်မှာ တိရစ္ဆာန် တစ်ကောင်လို နေခဲ့ရတဲ့ ငရဲခန်းကာလ ၁၇ ရက်ကို ဘယ်တော့မှ မမေ့ဘူး  အဖေ ခံစားခဲ့ရတဲ့ စိတ်သောက ဒုက္ခတွေကို ဘယ်တော့မှ မမေ့ဘူး အမေ ကျခဲ့ရတဲ့ မျက်ရည်ပေါက် ကြီးငယ်တွေကို  ဘယ်တော့မှ မမေ့ဘူး ဖရိုဖရဲ ဖြစ်ခဲ့ရတဲ့ ငါ့ရဲ့ မိသားစု ဘဝကို ဘယ်တော့မှ မမေ့ဘူး နေ့စဉ်နဲ့အမျှ လူ့အခွင့်အရေး ချိုးဖောက်ခံခဲ့ရတဲ့ နှစ်ကာလများကို ဘယ်တော့မှ မမေ့ဘူး ။        ။ လှသန်း 

 ခရီးဟာ လမ်းရှည်ရင် ရှည်သလောက်  နာကျင်အချိန်ပိုတွေ များလာတာပဲ  ဒါဆို ပျော်စရာ အခိုက်အတန့်တွေကိုပဲ ရှေ့တန်းတင်တတ်ဖို့  ကိုယ့်ကိုယ်ကိုယ် သတိပေးထားတော့  မျက်ရည်စ ပါ လာတဲ့ နေ့ရက်တွေဟာ  မုန်တိုင်း  မုန်တိုင်း  မုန်တိုင်းပေါ့   လေနီကြမ်းတွေနဲ့ ကြုံတဲ့အခါ အော်ဟစ်ငိုကြွေးတတ်သလောက်  လေပြေလာရင်လည်း ကျိုးနွံ့ကျေးဇူးတင်စွာ ခံစားတတ်ရတယ် ဒါဟာ ဘဝပဲ။ -Moriarty

 စဥ်းစားကြည့်တော့ ဒီတော်လှန်ရေးဆိုတာဟာ ကျွန်တော်တို့လို တချို့လူငယ်တွေရဲ့ဘဝမှာ ပထမဦးဆုံးအကြိမ် တိုင်းပြည်တာဝန်ကို ထမ်းဆောင်တာပဲလို့ မြင်တယ်ဗျ  စနစ်ဆိုးဟာ ကျွန်တော်တို့ကို တာဝန် မယူတတ်အောင်  ရေသာခို အချောင်လိုက်တတ်အောင်  အချင်းချင်း သွေးကွဲပြီး မစည်းလုံးအောင် စသည်ဖြင့် ပေါ့လေ  နှစ်ကာလအကြာကြီး ဖျက်ဆီးထားခဲ့တာပါ တိုင်းပြည်ချစ်စိတ်ဆိုတာ ဘာလဲ  ကိုယ်တိုင်းပြည်ကိုယ်ထူထောင်ခွင့်ရတယ်ဆိုတာ ဘာလဲ  တိုးတက်သော နိုင်ငံတစ်ခုမှာ ဘာတွေ လိုအပ်သလဲ  စသည် ဖြင့် စသည်ဖြင့်ပေါ့  ဒီအချိန်ကာလဟာ တော်လှန်ရေးလုပ်ဖို့  တိုင်းပြည်အတွက် အသက်စွန့်ဖို့  နိုင်ငံတော်သစ် ထူထောင်ဖို့ အကောင်းဆုံးအချိန်  အကျိုးအကြောင်းအဆီလျှော်ဆုံး အချိန်လို့ တွေးရင်ရနိုင်ပါတယ် နိုင်ငံကို ချစ်၍ တော်လှန်ပါခင်ဗျာ။ Moriarty 

လူ့လောကဟာ ဗုဒ္ဓကြည့်တဲ့ ကာတွန်းကား။                   အောင်ခင်မြင့်

 ကိုယ်တို့အမိမြေ.. ချစ်စရာလေးနော် သေနည်းရောင်စုံနဲ့လေ  မင်းဘာအရောင်နဲ့သေချင်လဲ အနီရောင်နဲ့သေချင်တယ်လို့ဖြေ ကိုယ်လည်း Crimson ဘက်ယိမ်းတဲ့အနီရောင်နဲ့သေမယ်  ကိုယ်တို့ရက်သိပ်မကွာဘဲသေကြမယ် အရမ်းအေးတဲ့နိုင်ငံတွေမှာ ပြန်မွေးဖွားကြမယ်  တက္ကသိုလ်အတူတက်ကြမယ် သမိုင်းစာအုပ်အတူဖတ်ကြမယ် မြန်မာနိုင်ငံအကြောင်းဖတ်မိတဲ့အခါ " ဒီနိုင်ငံကြားဖူးသလိုလိုပဲ ..." ဆိုတဲ့ မျက်မှောင်ကြုံ့တာမျိုးဖြစ်သွားလိမ့်မယ် ။ ကိုယ်တို့နောင်ဘဝရောက်နေပြီလေ။ အရင်ဘဝက အကြောင်းတွေ ပြန်မသိတော့ဘူးလေ ။ အရင်ဘဝအကြောင်း မှတ်မိနေဦးမယ်ဆိုရင် နောင်ဘဝဆိုတာကလည်း ဘာအဓိပ္ပါယ်ရှိမှာလဲနော့် ။ ကိုယ်တို့ သားမွှေးမဟုတ်တဲ့ အနွေးထည်တွေဝတ်မယ် တောင်ယဉ်စွန်းတန်းက တာရာတွေကို ကြည့်မယ် မင်းကို သွေးအားကောင်းအောင် ဂရုစိုက်မယ်  နှစ်သစ်ကူးနီးရင် ကိုယ်တိုင်လုပ်ထားတဲ့ ဝိုင်တွေသောက်မယ် ။ ကိုယ်တို့နောင်ဘဝမှာ တကယ်ပျော်ရွှင်နိုင်လောက်တယ် ဒါပေမယ့် ထူးဆန်းတဲ့ ပြဿနာတစ်ခုတော့ ရှိချင်ရှိနိုင်တယ် ။ အဲ့ဒါကတော့ နှစ်စဉ် နှစ်တိုင်း ဖေဖေါ်ဝါရီလရဲ့ အစောဆုံးနံနက်ခင်းတိုင်းမှာ ကိုယ်တို့နိုးနေသည်ဖြစ်စေ အိပ်မောကျနေသေးသည် ဖြစ်စေ ကိုယ်တို့မျက်လုံးထောင့်စွန်းတွေက...

မိုးက အဆက် မပြတ် ရွာတယ် သောက မျက်ရည် မခြောက်သေးဘူး ဒေါသ လက်တွေ မဖြည်သေးဘူး ဘဝတွေက  သေရင်ခွဲ  ရှင်ရင်လည်းကွဲရပေါ့ ဇာတ်လမ်းက  ဇာတ်လမ်းပဲ  ရာဇဝင်က ရာဇဝင်ပဲ ဇာတ်ပေါင်းတော့ ဘုရားလောင်းက ဘယ်သူ ဒေဝဒတ်က ဘယ်သူ မာရ်နတ်က ဘယ်သူ ဆိုတာ. .. စိတ်ဓာတ်တွေ သံမဏိမှို သွင်းပြီး ခေတ်သစ် ရာဇဝင် မှာ ကဗ္မည်းမော်ကွန်း အသစ် အတူတူ ထိုးကြစို့ရဲ့ ..  MMM 🍁

 ကောင်းကင်ပြာပြာတွေအကြောင်းတွေးမိတိုင်း ထစ်ချုန်းတဲ့ အသံတွေဘဲကြားနေရတယ် ဘ၀မှာ ရယ်မောခြင်း ငိုကြွေးခြင်းတွေထက် ဥပေက္ခာပြုခြင်းကို ပိုပြီးသဘောကြလာ တယ်..... ဒိုင်ယာလော့

 

 ကိုယ်ဟာဘယ်ကိုမျှ မရွေ့__ နေ၀င်သွားတာကိုကြည့်မိတဲ့ သားသည်မိခင်တွေခမျာ အိမ်ပြန်မရောက်လာသေးတဲ့သားတွေကိုစောင့်နေတယ် အိမ်ပြန်မရောက်နိုင်‌သေးတဲ့သားတွေတိုင်းဟာ အိမ်ပြန်ရောက်ရောက်သွားတဲ့အိပ်မက်တွေကို ညစဉ်ရက်ဆက်မက်ကြတယ် မိုးလင်းသွားတဲ့အထိ ကိုယ်တို့ထိုင်ကြည့်မိတဲ့ကောင်းကင်ကြီးက မှောင်မဲ နေတုန်းပါပဲ။ မျက်စိတွေတစ်စုံတစ်ခုကိုအာရုံစိုက်မိတာများလာရင် အားနည်းဖျော့တော့လာမယ်၊ မြင်ကွင်းတွေထုံထိုင်း ရီဝေလာမယ်၊ ကိုယ်ဟာတစ်နေရာတည်းမှာပဲ ရပ် နေမိတဲ့ ကျောက်ရုပ်၊ကျောက်ရုပ်တစ်ရုပ်မှာ ခံစားချက် မရှိဘူးလို့ ဘယ်ပရောဟိတ်ကဟောကိန်းထုတ်ထားခဲ့လဲ ကိုယ်ဟာနှစ်ပေါင်းတစ်သောင်းကြာလည်း ရပ်နေဦးမယ် နေပူကြီးထဲ နေလောင်သွားမယ့်မင်းအရေပြားတွေကို စိုးရိမ်ရတဲ့အကြောင်းမှာပဲဖြစ်ဖြစ်၊သွေးသံရဲရဲကျဆုံး သွားတဲ့ကိုယ့်ရဲဘော်တစ်ယောက်အကြောင်းမှာပဲဖြစ်ဖြစ် ဒါမှမဟုတ် ဖြစ်ချင်ရာဖြစ်ဖို့ လုပ်ချင်ရာလုပ်ကြစို့ လို့ လူစုံရင်ဝိုင်းအော်ကြဖို့ ကိုယ်ဟာသေသွားတဲ့ သူငယ်ချင်း‌အားလုံးကို စောင့်နေမိတယ် အခုထိတစ်ယောက်တလေများ ကိုယ့်ဆီရောက်မလာကြသေး။ PlugX

ချစ်ခြင်းမေတ္တာဟာ အေးချမ်းပါတယ်ဆိုတာ ကြင်ကြင်နာနာပြသပေးတယ် စီးကရက်ကိုသင့်ရုံလောက်သောက်ဖို့ နူးနူးယွယွပြောပြပေးတယ် ကမ္ဘာကြီးဟာဘာတွေပြောင်းလဲနေသလည်း နေ့စဥ်Radioတစ်ခုလိုဖွင့်ဟပေးတယ် ကော်ဖီဟာရင်တုန်စေတာဆိုရင် မင်းဟာ ကိုယ့်ကိုရင်ခုန်စေတာဘဲ -ကျွန်တော် ​

 စစ်ပွဲပြီးတော့ ငါ့မိတ်ဆွေအကုန်နီးပါးသေကုန်ပြီ၊  အဲ့ဒီမှာစောက်ရေးမပါတဲ့နှင်းဆီတွေပွင့်တုန်းလား___ အံ့ဩဖို့ကောင်းတာက ဒိုင်ယာရီထဲက တစ်ရွက်ချင်း တစ်ရွက်ချင်းစီမှာ မိတ်ဆွေတစ်ဦးမဟုတ်တစ်ဦးရဲ့ နာရေးကိစ္စတွေ၊ အိပ်ဆေးတစ်မျိုးမျိုးတော့ စစ်ဒဏ်က ပြေးလွတ်လာသူတွေဆီမှာဆောင်ထားရတယ် ငါတို့မိုင်းအများကြီးလုပ်ကြတော့ အဆာပလာတွေ သွပ်ရ၊ ငရုပ်ပွသီးထဲအသားဖတ်တွေထည့်သလိုပါပဲ ငါနဲ့အတူမိုင်းလုံးတဲ့မိတ်ဆွေတချို့ ငရုတ်ပွရဲ့ အရသာ ကောင်းကောင်းမသိသူတွေ၊ ဒါကြီးပြီးရင် ခင်ဗျားကို ငရုပ်ပွအစာသွပ်လုပ်ကျွေးမယ် ငါကတိပေးမိခဲ့တဲ့ရဲဘော်မိတ်ဆွေဟာ ဒါကြီးမပြီးခင်ပဲ လူမသိသူမသိ မြေဆီလွှာတစ်လွှာထဲမှာ နေထိုင်ရှင်သန် သွားပြီ တစ်ယောက်ယောက်တော့ကျန်သင့်သေးတယ် မြို့တော်ဥယျာဉ်တစ်ခုထဲ ၀င်ရှာကြည့်ရင်းတွေ့လိုက်တာ မြို့ပြစရိုက်ရှိတဲ့ သုံးဆယ်ကျော်အမျိုးသား/သမီး များစွာ ငါဟာတစ်ယောက်ကိုမှ မသိကျွမ်းဖြစ်နေတာ ငါမြင်စိတ်ထဲမှာ ‌ရိုင်ဖယ်ကိုင်ထားတဲ့ ငါ့မိတ်ဆွေ ကိုလောရှည်၊ ပြင်ဆင်ရတာတွေကိုမနှစ်မြို့ပေမယ့် ငါတို့တစ်သိုက်စစ်ပွဲအတွင်းမကြာခဏပြင်ဆင်ရတယ် ခြေလျင်မိုင်‌များများလျှောက်ဖို့ ကိုယ့်ကျန်းမာရေးကို ကြိုတင်ပြင်ဆင်ရတယ်၊ အကောင်းဆုံးပြင်ဆင်မှုတစ်ခုအ...

ပွဲကတာ ကြည့်ချင်ကြလား ဇာတ်သွင်း ဖို့တော့လိုမယ်လေ လက်နက်ကျည်ဆန်ဟာ ရုံဝင်ခ  အားပါးတရ အားပေးကြ အုန်းအုန်း ဒိုင်းဒိုင်း ဇာတ်ပွဲကတော့ စနေပြီ San Zuren 🌸

 ကိုယ့်ကဗျာကိုယ်ရေးပြီး ၊ ကိုယ့်သေနတ်ကိုယ်ကိုင်တာဘယ်သူ့စောက်ဂရုစိုက်ရမလဲ!!! ကိုယ့်ဘ၀ကိုယ်မရွေးရင်ဘယ်သူလာရွေးမလဲ ဘုရားဟာစောက်ရမ်းအိပ်ပုတ်ကြီးတယ်။  တို့တစ်ရွာလုံးကတော့မန်ယူပဲဟေ့လို့အော်ရာကနေ တို့တစ်ရွာလုံးတော့ ပြာကျကုန်ပြီအထိ အိပ်ကောင်းတုန်း၊ ကိုယ့်ထက်နေနိုင်ရက်သူဘုရားကို စောက်စကားထဲထည့် မပြောနေနဲ့၊လိုအပ်တာ ကိုယ့်လက်ထဲမှာ မောင်းပြန်ရိုင်ဖယ်တစ်လက်၊ကီးဘုတ်ပါတဲ့ စမတ်ဖုန်းတစ်လုံး၊ ကိုယ့်လက်ထဲမှာကိုင်ထားတာ အမှန်တရားကွလို့ စောက်ကြီးစောက်ကျယ်အော်ပြောတဲ့ကောင်တွေကတော့ဘုရားနဲ့အတူအိပ်နေပြီ ကိုယ်မှ မပစ်ရင် ကိုယ့်ခေါင်းဟာသူတို့ပစ်မှတ်၊ ကိုယ်မှ ဆွဲမချရင် သူတို့လက်ညှိုးတွေက ကိုယ်နှလုံးသားကို အတွဲလိုက်ဆွဲချသွားမှာပဲ။သူတို့ရှို့နေတာကျေးရွာတွေ မဟုတ်ဘူး ကိုယ်တို့နှလုံးသားတွေ ၊ ကိုယ်တို့ နှလုံးသား တွေဟာပြာမဖြစ်ဘူး မီးအပူပေးလေ ပိုမိုမာကျော ကျောက်သားတွေ၊ ကိုယ်တို့ကျောက်သားတွေဟာ ကြာလေ ရင့်လေဖြစ်လာမယ့်သက်ရင့်ကျောက်တွေ၊ ပစ်ကြဟေ့ ရန်သူကို၊ ဖောက်ပြန်သူတွေကို ပစ်ကြဟေ့ ကိုယ်လိုနေတာ ဝီစကီတစ်ခွက်မဟုတ် ၊ ပိုပြီးမာရေကျောရေနိုင်တဲ့ ကျည်ဆန်တွေ၊ တိုက်ကြ ကိုယ့်အတ္တအတွက်ကိုယ်တိုက်ကြ၊ စောက်အဓိပ္ပါယ် ရှိတာတစ်ခုခုအတွက်...

 နေ့စဉ် ကော်ဖီသောက်ပြိီး ခါးသီးမှုကို ကျင့်သုံးနေပြီလား တစိဦးကို တစ်ဦးက  မေတ္တာတရားဖြင့်  ပျော်ရွှင်ပါစေ။ -သုခမိန်လှိုင်

 တောနက်နက်ကြီးထဲမှာ  ဝေးလံခေါင်သီမှုတွေကို မျက်မြင် ကြုံရတဲ့အခါ  ရေကြည်လင်အေး တစ်စက်ပမာ မေတ္တာဟာ အလိုအပ်ဆုံးပဲပေါ့  ရဲဘော် မေတ္တာထားလို့ ပြောရဖို့ကလည်း ခက်ပြန်သေး  သံယောဇဥ်နဲ့ ထိန်းကျောင်းသွားတတ်တဲ့ လူငယ်ဆိုဆိုင်းယတီကြီး  တော်လှန်ရေး  တော်လှန်ရေး  တော်လှန်ရေးတဲ့  မြန်မာနိုင်ငံက လူငယ်တွေရဲ့ ဖြစ်တည်မှုကို  ပြောင်းပြန်လှန် ပစ်လိုက်တဲ့ အရာက တော်လှန်ရေးလေ  အမှန်နဲ့အမှားကြား အပ်ချည်မျှင် တစ ကလေးမျှသာပဲ ကွာခြားသကိုးလို့ ဆိုရိုးရှိတယ်  အမှန်ဆီရောက်လိုဇောနဲ့ မှား မှား သွားတတ်ကြတဲ့ လမ်းတွေလည်း ရှိသမို့  ရဲဘော်တို့ သတိထား  ငါတို့နှုတ်က တရားဓမ္မလို့ ဟစ်ကြွေးရင်  ငါတို့ကိုယ်တိုင် တရားဓမ္မဖြစ်ရလိမ့်မယ်  ငါတို့က လွတ်လပ်ရေးလို့ ဟစ်ကြွေးရင်  လွတ်လပ်ရေးပေါ့  ငါတို့က သူပုန်  ငါတို့က ရဲဘော်  တရားသော ဒုက္ခလမ်းကြမ်းကြီးမှာ  သွေးသံတရဲရဲ နဲ့ ပျော်နေကြသူတွေပေါ့။ -Moriarty

 ငြိမ်းချမ်းရေး တေးသံတွေပဲ ထုတ်လွှင့်တဲ့  ရေဒီယိုလိုင်းက ကြိမ်နှုန်းဘယ်လောက်မှာလဲ  ရှိရော ရှိပြီလား  နိုင်ငံတော်အသစ်ကြီး တည်နိုင်မယ့်နေ့ကျ  တာဝန်တွေကို ပုခုံးပြောင်းလက်လွှဲ  အိမ်ပြန်မယ့် လူငယ်တွေ နားဆင်ဖို့လေ။ Moriarty 

 ဝမ်းမနည်းဘူး မျက်ရည်မကျဘူး ဘယ်အရာမှ အလကား မရဘူး ဒဏ်ရာတွေလည်း  အလကား မရဘူး ဒုက္ခတွေလည်း အလကား မရဘူး ဘယ်အရာမှ  အလကား မရဘူး ဘယ်အရာမှ  အလကား မရဘူး မောင်ချောနွယ်

  လဲလှယ်စရာ အပိုပစ္စည်းတွေ မပါဘဲ ဒုံးပျံလို  ချစ်ခြင်းတွေက မြန်လိုက်တာ ။ တက်သွားတော့ လက်ခုပ်သံနဲ့ ကျလာတော့ ဒဏ်ရာနဲ့ မီးပုံးပျံများ ။ ဒီအနီးနားတစ်ဝိုက်မှာ ရေသန့်ဗူးလေးများမရနိုင်ဘူးလား ။ -ဝင်းမြင့်

 ချစ်သောသွေးသောက်ရဲဘော်ရေ... တစ်ယောက်ဖီဆန်ရင် တစ်နိုင်ငံလုံး ပုန်ကန်မှာပဲ။ အာရပ်နွေဦးလို သန်းနဲ့ချီတဲ့လူထုပုန်ကန်မှုကြီး အင်ဒိုချိုင်းနားကျွန်းဆယ်မှာ ပေါက်ဖွားလာပြီ။ ဟီရိုရှီးမားကို ဖြိုချလိုက်တဲ့ဗုံးထက်... မြန်မာသူရဲကောင်းတွေဆီက ကန်ထွက်လာတဲ့အသံဟာ ပိုလို့ကျယ်လောင်တယ်။ ကမ္ဘာ့ကပ်ရောဂါ ဗိုင်းရပ်စ်ကိုရိုနာထက် လမ်းမပေါ်ဖြာထွက်လာတဲ့ သွေးစက်တွေရဲ့ အာဏာဖီဆန်ရေးဘက်တီးရီးယားဟာ ပိုမိုကူးစက်လွယ်တယ်။ ချစ်သောသွေးသောက်ရဲဘော်ရေ... မြစ်ဆိုတာ ကျဥ်းမြောင်းနောက်ကျိလေ... သာလွန်ကွေ့ကောက်စီးဆင်းလေပါ။ မင်းမှာလည်း  ကိုအောင်ကျော်လို ရဲဝံ့လှေကလေးလိုတယ်။ ငါ့မှာလည်း ကိုအောင်ဆန်းလို စွန့်လွှတ်လှော်တက်လေး လိုပေမပေါ့။ ဖက်ဆစ်ဝါဒီစနစ်ဆိုးကြီးရဲ့ ကျဥ်းမြောင်းနောက်ကျိစီးဆင်းမှုတွေကို မကြောက်တမ်းတရားနဲ့ အတူကူးဖြတ်ကြမယ်ကွယ်။ ငါတို့ဟာ သမဂ္ဂအလံတော်အောက်မှာတည်ရှိသော ချစ်သောသွေးသောက်ရဲဘော်တွေမဟုတ်လား။ ချစ်သောသွေးသောက်ရဲဘော်ရေ... ခုဆို လန်ဒန်မြို့လယ်က လေကိုရှူရသလို တောင်တန်းရော ပြည်မပါ လူ့လွတ်လပ်ခွင့်တွေ အသက်ရှူမဝဘူး။ နွားတင်းကုပ်ကစလို့ ဘုရားကျောင်းတွေအဆုံး အာဏာရှင်တွေရဲ့အလိုကျ ရာသီသုံးပါးလုံး မီးလောင်ပြာကျနေရတယ်။ အသက်...

စည်းတွေ . . ဘောင်တွေ။ နေသားတကျ ရှင်သန်ခဲ့ရတဲ့ ပတ်ဝန်းကျင်။ မပျော်ဘူး။ ငါ လုံးဝ မပျော်ဘူး။ မနေချင်တော့ကြောင်း ပြောပိုင်ခွင့်လည်း ငါ့မှာ မရှိဘူး။ ငါ့လည်ပင်းကို လျှာပေါင်းများစွာက ချုပ်နှောင်ထားပြီးတဲ့နောက်။ ငါ့ဘဝကို လက်ညိုးပေါင်းများစွာက ထိန်းချုပ်လာပြီးတဲ့နောက်။ ငါဟာ စက်ရုပ်တစ်ရုပ်လို။ ဘဝက ခွမ်းခနဲ ကျကွဲသွားတဲ့ မှန်တစ်ချပ်။ ပြန်ဆက်တော့လည်း အက်ကြောင်းတွေ အထပ်ထပ်။ အနာဂတ်တွေ ယိုင်ထိုး ယိုင်နဲ့။ မထိုက်တန်သူဆီ ယုံကြည်မှုတွေ ပေးခဲ့လို့ ဖြစ်မယ်။ နောက်ကျောကို ဓားနဲ့ ထိုးမယ့် သူတွေ . . ချောင်ထိုးခံရမှုတွေ ငါ့ဆီကို ဆိုက်ဆိုက်မြိုက်မြိုက် ရောက်လို့လာခဲ့။ ကျောက်တုံးကို အရည်ပျော်မယ် အမှတ်နဲ့ ရေလောင်းခဲ့မိတဲ့ ငါ။ တစ်ယောက်ထဲ အမှောင်ကျနေတယ်။ အလင်းရောင် ဆိုတာ အစရှာလို့ မရ။ ဒင်္ဂါပြားတစ်ခုကို တောက်ထုတ်လိုက်တယ်။ ခေါင်းကျကျ . . ပန်းကျကျ ငါ့စိတ်တွေ ပြန်ကောင်းမလာတာတော့ ခက်တယ်။ အဓိပ္ပါယ်မဲ့တဲ့ ဒီလောကကြီးထဲ ငါဟာ တွယ်ရာမဲ့တဲ့ သေလူ။ ပျော်ရွှင်မှုကပဲ ပုန်းနေခဲ့တာလား။ ငါကပဲ မမြင်ချင်ယောင်ဆောင်လိုက်တာလား။ မရေမရာပါပဲ။ ကြိုးတပ် တူရိယာ အမျိုးမျိုးကို တီးတယ်။ မျှော်လင့်ထားသလို အဝါရောင် သံစဉ်တွေ ထွက်မလာဘူး။ ထိုးကျနေတဲ့ ...

မမြင်ရတာတွေ အာရုံမှာမထင်နဲ့ တခြားအသံတွေမကြားစေနဲ့ ကိုယ့်ကိုယ်ကို ပျော်ရွှင်အောင်ထား လူအုပ်ထဲ ဖြတ်လျှောက် တစ်ယောက်တည်း မနေနဲ့ စိတ်ကို မနည်းထိန်းထား ဘာရောဂါမှ မဖြစ်ရင် သောက်တဲ့ဆေး အခု သောက်ရမယ်။ ။ စိုင်းဝင်းမြင့်

 "အိမ်ထောင်ရေးဆိုတာ မိန်းမတကာရဲ့ မဟာစီးပွားရေးအလုပ်ပဲ" ငါ့ရင်ထဲမှာ ကွဲကြေရတဲ့အခါ "မမထား" ဝတ္ထုထဲမှာပါတဲ့ ဗန်းမော်တင်အောင်ရဲ့စကား မင်းခံစားစေချင်မိတယ်။ မင်းနားလည်ဖို့ကိုလဲ ငါ့မယ်အလိုရှိတယ်။ ဒါပေမဲ့ ကဗျာဆရာ ငါ့အဖို့မှာတော့ ဒါဟာ တကယ့်အမှား ဖြစ်ခဲ့ပြီ။ ခင်ဆွေရီ ရဲ့ ဒီမှာ ငါဟာ ဘာကောင်လဲ ရင်ထဲမောနွမ်း မင်းမုန်းစတမ်းဆိုရင်လေ ပန်းတွေ ကလဲ ငါ့အဖို့မလှပဲနေလိမ့်မယ်။ ငှက်ကလေးတွေကလဲ ငါ့လက်ထဲက ခွဲထွက် ပျံပြေးသွားလိမ့်မယ်။ ဇော်ဂျီ ရဲ့ မောင်သစ်ဆင်းကဗျာတွေ မင်းသုဝဏ်ရဲ့ မောင်ခွေးဖို့ကဗျာတွေ မင်းမရှိတဲ့အခါ ငါဘာလုပ်ရမလဲကွယ်။ -အောင်ဝေး (ယာမာဂူချီခင်ဆွေရီသို့- ကဗျာမှ)

နှင်းတွေ ဖွဲဖွဲကျနေပုံ မဟုတ်ဘဲ ရွာတွေဆီက ပြာစတွေ တဖွေးဖွေး။ "ဒီအိမ်ကို ဆောက်ဖို့ ငါ့သားလေးက သူများနိုင်ငံမှာ ကျွန်ခံခဲ့ရတာ" လို့ အော်ဟစ်နေတဲ့အခန်းမှာ  သရုပ်ဆောင်သူ အဘွားအို  ရူး သွား တယ်။ ဇာတ်ကောင်တွေ ဟာ  အများကြီးဆိုတော့ ငိုသံတွေ လည်း  အကျယ်ကြီးပဲလေ။ ဇာတ်၀င်တေးက တယောသံနဲ့  မဟုတ်ဘူး သေနတ်သံ ၊ ဗုံးသံနဲ့ ။ ကြည့်ရှုသူတွေ ဟာ  ဘ၀ပိတ်ကားပေါ်မှာ ကိုယ့်အလောင်း ကိုယ် ပြန်မြင်နေကြရတယ်။ ။ မောင်ရေချမ်း

 မပြည့်စုံသူတွေအတွက် တစ်စုံတစ်ခုဟာ ပြည့်စုံသူတို့ရဲ့အလုံးစုံထက် ပိုတန်ဖိုးကြီးပါတယ်။    ။ -ဖော်ဝေး 

ခေတ်ကောင်းရင် ဖားတွေပေါ်လာပြီး ခေတ်ပျက်ရင်တော့ လူငယ်တွေက တာဝန်ယူရင်း အသက်စွန့်ရတဲ့တိုင်းပြည် နိုင်ငံရေးသမားတွေက ငါစွဲများနေပြီး အင်အားစုတွေက တူရာစုနေကြတယ် စစ်တပ်ကတော့ တသွေး တသံ တမိန့်နဲ့ ခေတ်အဆက်ဆက် အကြမ်းဖက်တယ် တိုင်းပြည်ကပျက်လဲ စနစ်ကဖြိုချနေရဆဲ စားဖားတွေက သာကူးဖို့ချောင်နေဆဲ အနေသာသူတွေက အသာနေနေဆဲ အသက်ပေးရဲသူတွေ အသက်စွန့်နေရဆဲ မီးတောက်ဟုန်းဟုန်းထဲမှာ မျက်ရည်တွေနဲ့ ဒီတိုင်းပြည်က ဖီးနစ်ငှက်လို နိုးထနိုင်ဖို့ နှလုံးသားပါတဲ့သူတွေ ဆက်ထမ်းနေရဆဲပါလေ San Zuren 🌸

 

ဆိုရိုးစကားတစ်ခုရှိတယ် လက်သမားတစ်ယောက်ရဲ့ အိမ်တံခါးတွေဟာ အပျက်တွေချည်းပဲတဲ့။ ပန်းရန်ဆရာတစ်ယောက်ရဲ့ ဝန်ခံချက်ကတော့ ဟိုတယ်မှာတစ်ခါမှ မတည်းခိုဖူးတဲ့အကြောင်း။ မိမိမှာ စေ့စပ်လက်စွပ်မရှိပါလို့ ပန်းထိမ်ဆရာတစ်ယောက်က ထွက်ဆိုဖူးတယ်။ လယ်သမားကြီးတစ်ယောက် ဒေါ်လာဆိုတာ ဘယ်လိုဟာမျိုးလဲလို့ မေးနေရှာလေရဲ့။ ကိုယ့်ပုံတူကို ကိုယ်ပြန်ဆွဲဖို့ တစ်သက်လုံးမေ့လျော့နေခဲ့တာ ပန်းချီဆရာတစ်ယောက်ပေါ့။ ဘာပဲဖြစ်ဖြစ် ဖဲ့ထုတ်ခံရတဲ့ သစ်သားစတွေမပါဘဲနဲ့တော့ ပန်းပုရုပ်တစ်ရုပ် ဖြစ်မလာနိုင်ဘူးလေ။ ။ -မင်းလူ

 တစ်ယောက်နဲ့တစ်ယောက် ချစ်ကြသူတွေ ရန်မဖြစ်သင့်ဘူး။  ဒီနှစ်ယောက်လေးပဲရှိပြီး ဒီနှစ်ယောက်နဲ့ပဲ တစ်လောကလုံးကို ရင်ဆိုင်ဆန့်ကျင်ရမှာမို့ပါ။ ဒီနှစ်ယောက်ကြား စိတ်ဝမ်းကွဲရင် လောကကြီးက အနိုင်ရသွားလိမ့်မယ်။ -ဟဲမင်းဝေ-

  တော်လှန်ရေး အထက်တွင် ဘယ်သူမှ မရှိ တော်လှန်ရေး ထက်  ကြီးမြတ်သောအရာဟူသည် မရှိ တော်လှန်ရေးကိုသာ Promote လုပ်ကြပါ တော်လှန်ရေးကိုသာ ချီးမွှမ်း ဇောင်းတင်ကာ လုပ်ကိုင်ကြပါ မိမိနှင့် အမြင်သဘောထား မတူညီ၊ မတိုက်ဆိုင်ရုံမျှဖြင့်  ဘုံရန်သူ တူ‌နေပါလျက် ... တဘက်အား နိုင်ငံရေးသေအောင် ထင်ရာ စွပ်စွဲတိုက်ခိုက်တတ်သော  အကျင့်များအား ဖျောက်သင့်တယ် သဘောထား မတိုက်ဆိုင်လည်း  ရပ်တည်ချက် တူညီလျှင်  လမ်းချင်း တူတယ် ဘုံရန်သူ၊ ဘုံပန်းတိုင်၊ ဘုံပစ်မှတ် ... ကိုသာ မျက်ခြေမပြတ်စေရန်  အရေးကြီးဆုံးဖြစ်တယ် San Zuren 🌸

ငါတို့ ပေါင်မုန့်ကို ယိုသုတ်ခဲ့တုန်းက ပေါင်မုန့်မီးကင်စက်နဲ့ မီးလှုံနေကြသူတွေ "ယိုအသုတ်ခံ ပေါင်မုန့်တွေဘက်က ရပ်တည်ကြ" ကြွေးကြော်သူတွေက ခုမှ ပေါင်မုန့်ကို ယိုနှစ်ထပ်သုတ်ကြသတဲ့လား ဝမ်းနည်းမိတယ် ပေါင်မုန့်ကို ယိုသုတ်ရင်း လဲကျခဲ့ရသူတွေ အောက်မေ့မိတယ် အမှောင်ထဲ စမ်းတဝါးဝါး ပေါင်မုန့်ကို မှန်းဆ ယိုသုတ်ရင်း ကျဆုံးခဲ့ရသူတွေ အားကျမိတယ် ပွယောင်းယောင်းပေါင်မုန့်ကို ရဲရဲတောက် ယိုသုတ်ခဲ့သူတွေ ငါ ဦးညွတ်လိုက်ပါရဲ့ အခုများလေ ငါ ပေါင်မုန့်တွေကို ဘယ်သူ ယိုသုတ်သွားခဲ့သလဲ။ လင်းခါး ပေါင်မုန့်ယိုသုတ်(၉)ပွဲမှ

ငါ့အတွက် နေစရာ လိုတယ် နေစရာဆိုတာ အိမ်ပေါ့ ဘယ်လိုအိမ်မျိုးလဲ ဗီလာလား၊ ကော့တိတ်ချ်လား ဘန်ဂလိုလား၊ ကန်ထရိုက် တိုက်ခန်းလား ကွန်ဒိုလား၊ အာရ်စီပတ်ကား နှစ်ထပ်တိုက်လား ပျဉ်ထောင်အိမ်လား၊ သုံးပင်နှစ်ခန်းလား လေးပင် သုံးခန်းလား ခြံစည်းရိုးမှာ ပုဏ္ဍရိက်ပင်တန်းလေးတွေနဲ့လား ဓနိမိုး ထရံကာ ဝါးတဲလေးလား ငါ့အတွက် အိမ်လိုတယ် ဘာကြောင့်လဲဆိုတော့ ငါဟာ လူဖြစ်လို့ ငါ့အတွက် နန်းတော် မလိုဘူး ငါ့အတွက် ရဲတိုက် မလိုဘူး ငါ့အတွက် လှောင်အိမ် မလိုဘူး ငါ့အတွက် ဂူ မလိုဘူး ဘာကြောင့်လဲဆိုတော့ ငါဟာ လူဖြစ်လို့ ငါ့အတွက် အိမ်ပဲ လိုတယ် ငှက်တွေအတွက် အသိုက် လိုသလိုမျိုး ကြွက်တွေအတွက် တွင်း လိုသလိုမျိုး ငါနေခဲ့ဖူးတယ် ဟိုတယ်တွေ၊ ဂတ်စ်ဟောက်တွေ တည်းခိုခန်းတွေ၊ အပါ့တ်မင့်န်တွေ ဒါတွေဟာ ခေတ္တပဲ ဒါတွေဟာ ယာယီပဲ ငါ့အတွက် နေစရာ လိုတယ် ငါ့အတွက် အိမ်လိုတယ် ငါ့အိမ်မှာ ရေကူးကန် မလိုဘူး ပန်းခြံ မလိုဘူး၊ တင်းနင်းကုတ် မလိုဘူး ဆားဗင့်ကွာတာ မလိုဘူး၊ မြင်းဇောင်း မလိုဘူး ငါ့အတွက် အိမ်လိုတယ် သောက်ရေတွင်းရှိတဲ့ အိမ်သာရှိတဲ့ လေကောင်းလေသန့်ရှိတဲ့ ပျော်ရွှင်မှုရှိတဲ့ မေတ္တာတရားရှိတဲ့ လွတ်လပ်မှုရှိတဲ့ အဲဒီလိုအိမ်မျိုး လိုချင်တယ် ကလေးဘဝက မိခင်ရင်ခွင်ထဲမှာ နေရ...

ထူထူထဲထဲနဲ့ တောအုပ်တွေလား ? အလွမ်းတွေပါ။ ပြင်းပြင်းထန်ထန်နဲ့ သမုဒ္ဒရာတွေလား ? မျက်ရည်တွေပါ။ လောင်လောင်ကျွမ်းကျွမ်းနဲ့ မီးတောင်တွေလား ? ဘဝတွေပါ။ ချမ်းချမ်းသာသာနဲ့ ကျောက်သံပတ္တမြားတွေလား ? ဆင်းရဲခြင်းတွေပေါ့။ -သုခမိန်လှိုင်

မြေပြင်မှာ စစ်ပွဲတွေ... ရင်ခွင်မှာ အနာတရတွေ... စစ်ပွဲတွေကို မုန်းတယ် သို့သော် စနစ်ခါးတော့ စစ်ချိုတယ်... အမှန်တရားတွေ မြင်ရဖို့ ဒုက္ခကန့်လန့်ကာကို အင်နဲ့ အားနဲ့   ဆွဲဖွင့်ရမှာပဲ... အမှန်တရားကို ရှာဖွေနေချိန်မှာ အကြောက်တရားကို ထိန်းကွပ်ထားတယ်... San Zuren 🌸

လူတစုရဲ့ ပြုသမျှ မနုချင်တော့ နေဝင်မီးငြိမ်း ဘဝတွေနဲ့ ရသလို ထွန်းညှိနေရတယ်။  ခရီးကြန့်ကြာတော့ ကျီးလန့်စာစားနဲ့ အိပ်မက်တွေ နာဖျားနေတယ်။  အမေတို့ရဲ့ အလွမ်းများ သားတို့ရဲ့ အလွမ်းများ ခေတ်ကို ထမ်းထားလို့ ဒီလမ်းက ကြမ်းပေမယ့် ပန်းတိုင်က  အားလုံးလက်ထဲမှာရှိတယ်။  ဖက်ဆစ်အရိုင်း ငါတို့သမိုင်းမှာ နေရာမရှိဘူး ။  ဖက်ဆစ်သနစ် အနာဂတ်မှာ အမြစ်မကျန်စေရဘူး။  ငါတို့အချစ်တွေ မငြိမ်းသရွေ့ ငါတို့ စစ်ပြေမငြိမ်းနိုင်ဘူး ။  လက်ျာဧ

လက်သည်းဆိတ်လို့ လက်ထိပ် နာတတ်ပါစေ။  ကိုယ့်နေရာ ကွက်အေးပေမဲ့ တချို့မှာ ထွက်ပြေးနေရတယ် အမှောင်ထဲ စမ်းလျှောက်သူရှိတယ် ထောင်ထဲ တန်းရောက်သူရှိတယ်။  ဒကာလည်း ဝမ်းမဝ သံဃာလည်း ဆွမ်းမရ ဘုရားလည်း မီးသင့် တရာလည်းမီးသင့်တဲ့ အကာလ။  ငါတို့ ငရဲခန်းကို ကမ္ဘာက လှမ်းကြည့်နေပြီ စစ်မိစ္ဆာ ကမ်းတက်ဖို့ ပန်းဆက်လို့ ပျော်သင့်ပါသလား။  တိုင်းပြည် အေးချမ်းပါပြီလို့ ကမ္ဘာတဝန်းကမြင်ဖို့ သူတို့ဆင်တဲ့ကျုံးမှာ ငါတို့ စုံးစုံးမြုပ်ခံမလား။  ပြေးကြည့်မှ ငါတို့မှာ ငါတို့ပဲရှိတယ် ဒီ အသိလေးကပ်ဖို့ သတိပေးအပ်ပါတယ်။ လက်ရုံးညီ

ဒေသအလိုက် ကွဲပြားများပြားနေတဲ့  PDF အဖွဲ့တွေ မဟာမိတ်ဖွဲ့လှုပ်ရှားကြပါ အထူးသဖြင့် စစ်ရေးမဟာမိတ်ဖွဲ့ကြပါ ထိုးစစ်ဆင်လာတဲ့ စကစ စစ်ကြောင်းတွေကို ဖြတ်တောက်ဖို့  ဒေသတွင်းဆိုင်ရာ ဆိုင်ရာအဖွဲ့များ  စုစည်းညီညွှတ်ကြပါ  စခစစ်ကြောင်းကို ဖြတ်တောက်ဖို့  စုပေါင်းဦးဆောင်မှုဖြင့် ရန်သူကို အနိုင်ပိုင်းကြပါ ဉာဏ်ပညာ ချစ်ခြင်းတရားတို့ဖြင့် တော်လှန်ရေး အမြန်အောင်ရမည် San Zuren 🌸

 စနစ်ကို အတူဖြိုချသလို ခေတ်ကို အတူကြိုကြတာပဲ ဘယ်သူမှ ပိုမသာသလို ဘယ်သူမှ ပိုမနာပါဘူး ။  သွေးတူသမျှ ဖေးကူမရင်း ဘေးဟူသမျှ မြင်နိုင်ကြုံလည်း အေးအတူပူအမျှ ရင်ဆိုင်ရုံပါပဲ။  ကိုယ်တိုင်ထူထ သလို အများကို ကူရချိန်မှာ အယူအဆတွေ ဘေးချိတ်လို့ တစိတ်တည်း တဝမ်းတည်း ဖြစ်ကြမယ်။  အဝေးမျှော်နေလို့လည်း မပြီးဘူး အတွေးချော်နေလို့လည်း မနီးဘူး... တော်လှန်ရေးခရီးမှာ အမြဲပဲ သွေးစည်းနေရမယ်။ ဒေါင်းသွေး

စစ်တပ်ရဲ့ အဆိပ်မျိုး ငရဲအတိနဲ့ ပစ်သတ်မယ့် စိတ်မျိုးလည်း မရှိ ညစ်ပါတ်တဲ့ စိတ်မျိုးလည်း မရှိ ချစ်တတ်တဲ့ စိတ်တန်ခိုးပဲ ရှိတဲ့ ကျွန်ုပ်တို့သည် - - -  အရိပ်နေနေ အခက်ချိုးချိုး "ခွေးမျိုးစစ်တပ်" အမြစ်ပြတ်ဆုံး အညွန့်တုံးထိ တိုက်မည့်သူတွေ ငါဒို့မြေပေါ် ပြည်သူပျော်မှ ဒို့ပျော်ကြမည် ငါတို့နာမည် ၊ P•D•F ။ ကိုယ်တော်နှိုင်း

ဟေး ဟိုး‌အဝေးက ယူနီဖောင်းနဲ့ရဲဘော် ဘယ်တုန်းဗျ အမေ့အိမ်ပြန်မယ်ဗျာ အမေ့အိမ်ချက် ငါးဟင်းကြီး မုန်းလိုက်တာလို ပြောလိုက်ချင်ပြီ ခြံဝက မျှော်နေမယ့် ပါပီလေးတွေကို သွားပွတ်သပ်ကြည့်ချင်ပြီ စိတ်ကောက်နေတာ တစ်နှစ်လောက်ရှိတော့မယ့် ရည်းစားကိုလည်းချော့ချင်ပြီ မျက်မှန်ကြီးနဲ့ သတင်းစာဖတ်နေမယ့် အဖေ့ဆီကလည်း မုန့်ဖိုးတောင်းချင်ပြီ ညနေဆို ထွက်ထွက်ဆော့နေတတ်တဲ့ လမ်းထဲက ကလေးတွေကို ဆေးလိပ်တဖွာဖွာနဲ့ ငေးကြည့်ချင်မိပြီ ညနေဆည်းဆာဆိုတာ တောထဲကနဲ့ အိမ်ကနဲ့ ဘယ်ဟာပိုလှလဲ နှိင်းယဉ်ကြည့်မယ် ကြုံခဲ့ရသမျှ စွန့်စားခန်းလှလှပပတွေကို တပြုံးပြုံးနဲ့ နားထောင်မယ့် ညီမတွေအသံကြားချင်ပြီ ဟော မိုးတွေရွှာလာရင် ရတတ်တဲ့ ကတ္တရာလမ်းရနံ့လည်း မေ့တေ့တေ့ပဲ အရင်က ကလောင်တံပဲ ကိုင်တဲ့လက်တောင် အသားမာတွေတက်လိုပဲ သတိအနေအထားကြီးမပါပဲ လက်ဖက်ရည်ကို ဇိမ်နဲ့သောက်ကြည့်ပါဦးမှ သင်္ကြန်ကျပြန်တော့လည်း ရေပက်ခံထွက်ပစ်ရမယ် သီတင်းကျွတ်ပြန်တော့လည်း တစ်နှစ်လုံး အကုသိုလ်ကောင်လေးလုပ်ထားတာကနေ တစ်ရက်လောက် ကုသိုလ်စိတ်မွေးကြည့်ဖြစ်ဦးမယ် အယ်...ဒါတွေ တစ်ခုမှ ပြန်မရတော့ဘူး ငါ့နှလုံးသားကို ကျည်တစ်တောင့် ထိုးစိုက်သွားပြီ အံမယ် ငါ့သွေးငါမြင်တော့ ကြောက်တ...

ဇာတ်တူသားစားပြီး တန်ခိုးထွားခြင်းနဲ့ ကိုယ့်သားချင်းတွေကို သားရဲတွင်းမှာ အခံခက်ဖို့ အကြံပက်စက်ကြတယ် ။ ဖြတ်လေးဖြတ် သတ်လေးသတ်နဲ့ အသက်ဓာတ်တွေဆုံးဖို့ ထုံးလိုခြေ ရေလိုနှောက် အကြောက်တရားနဲ့ မျို ဒင်းတို့တွေ...ဗိုလ်ကျလွန်းတယ်။ တောင်ပေါ်လည်း မငြိမ်းချမ်း မြေပြန့်လည်း မစိမ်းလန်း ငရဲခန်းပျို့ နဲ့ အားလုံးဟာ...  အသည်းကျွမ်းလို့ ပြာကျတယ်။ ငါတို့ လွတ်မြောက်ဖို့ အထူးကြောက်ပြီး ဒူးမထောက်ဖို့ လိုတယ်။ ဘယ်လိုခြောက်ခြောက် အသက်ကို ဉာဏ်စောင့်လို့ လက်မမြှောက်ဖို့ လိုတယ်။ တောင်ပေါ်ရဲ့ အားကိုယူ မြေပြန့်မှာ အလံထူကြမယ် မြေပြန့်ရဲ့ အသွေးကို ရံ တောင်ပေါ်မှာ အလံထောင်လို့ အရေးတော်ပုံ အောင်ရမယ်။ လက်ျာဧ

 

လက်ရှိနိုင်ငံရဲ့အနေအထားဟာ စစ်ကောင်စီထိန်းချုပ်ထားတဲ့ နယ်မြေနဲ့ သက်ဆိုင်ရာ ဒေသခံပြည်သူတွေ ထိန်းချုပ် ထားတဲ့နယ်မြေဆိုပြီး အပိုင်း ၂ ပိုင်းကွဲနေပြီဖြစ်ပါတယ်။ အထူးသဖြင့် အထက်အညာဒေသက ကျေးလက် အများစုဟာ ပြည်သူတွေထိန်းချုပ်ထားတဲ့နယ်မြေတွေပါ။ မြန်မာပြည်အောက်ပိုင်းနဲ့ မြစ်ဝကျွန်းပေါ်တဝိုက်ဒေသတွေကတော့ စစ်ကောင်စီအင်အားသုံးထိန်းချုပ်ထားတဲ့နယ်မြေတွေဖြစ်နေသလို အင်အားမသုံးဘဲ ပြည်သူတွေကိုယ်တိုင်က လိုလိုလားလားအုပ်ချုပ်ခံနေတဲ့နယ်မြေတွေလည်းရှိလာပါတယ်။ ဒီနေရာမှာ တော်လှန်ရေးရဲ့ထောက်တိုင်တစ်ခုဖြစ်တဲ့ CDM လှုပ်ရှားမှုဟာ အသွင်ကွဲပြားမှုတွေတွေ့ကြုံရ ပါတော့တယ်။ ပြည်သူထိန်းချုပ်ထားတဲ့ ဒေသတွေက CDM ဝန်ထမ်းတွေ/ ပြည်သူတွေဟာအကာအကွယ် တွေ၊ အကူညီတွေ ရတန်သလောက်ရပေမဲ့ စစ်ကောင်စီထိန်းချုပ်ထားတဲ့ ဒေသတွေက CDM တွေကတော့ အမျိုးမျိုးဖိနှိပ်မှုတွေ၊ နှိမ်နင်းမှုတွေ ကြုံတွေ့ရပါတယ်။ ဒီလိုဖိနှိပ်မှုတွေကို အဓိက ပူးပေါင်းဆောင်ရွက် နေသူ တွေကတော့ စစ်ကောင်စီယန္တယားအောက်က NON CDM ဝန်ထမ်းတွေဖြစ်နေပါတယ်။  တကယ်တမ်းကတော့ CDM လှုပ်ရှားမှုဟာ နိုင်ငံလုံးဆိုင်ရာ အခြေပြုလှုပ်ရှားမှုဖြစ်ပေမဲ့တော်လှန်ရေး ထောက်တိုင်အင်အားကောင်းတဲ့ဒေသနဲ့ နည်းသွားတဲ့...

မေ့လွယ်ပျောက်လွယ် ခေတ်ပေါ်ကမ္ဘာထဲ လူတွေဟာ အစွန်းဖျားရပ်နေကြတယ် ရေမရောတဲ့အချစ်တွေ ရှားပါးနေပြီ ကော်ဖီတွေဟာ အေးစက်တာ မြန်လာတယ် သဘာဝကသဘာဝကိုလိုက်ရှာနေရတယ် ကဗျာတွေဟာ အချည်အနှောင်တွေနဲ့ တစ်နေ့နဲ့တစ်နေ့က ခဏလေးရယ် တစ်ခါတစ်လေ ရှင်သန်နေရတာ  အကြောင်းအရင်းမရှိသလို ချစ်ရသော နွေရေ မင်းရော ကိုယ်ရော  လူတွေအားလုံးရောတောင့်တကြတာက သံစဥ်တွေနဲ့ရစ်ပတ်ပြီး မေတ္တာတရားတွေသီကျူးထားတဲ့ တစ်ကမ္ဘာဘဲမဟုတ်လား -ကျွန်တော်

“ပထွေး”ရိုက်မှာလည်း ကြောက်ရ “ခွေး”ကိုက်မှာလည်း ကြောက်ရ “သူဌေး”ဝိုက်မှာလည်း ကြောက်ရ ဈေးမကိုက် မှာလည်း ကြောက်ရ အရေးမစိုက် မှာလည်း ကြောက်ရ ကြောက်ရ ကြောက်ရ - - "လူ"၊ လူ​ ခြင်းလည်း ကြောက်ရ အတူတူ ခြင်းလည်း ကြောက်ရ နောက်က လူကိုလည်း ကြောက်ရ အောက်က လူကိုလည်း ကြောက်ရ  ကြောက်ရတာတွေ များလာတော့ အောက်ကျတာတွေ များလာတော့ တယောက်မက ဆရာတွေ များလာတော့ မှောက်ကျတာတွေ များလာတော့ ကမောက်ကမ ဟာတွေ များလာတော့ ဂျောက်ကျနေတဲ့ မြန်မာတွေ ဓါးရှာတော့။ ကိုယ်တော်နှိုင်း

 

တော်လှန်ရေးမှာ  ကြွားဝါချင်သူ ပါလေရာ လုပ်ချင်သူ ကိုယ်သိ ကိုယ်တတ်လုပ်ချင်သူ သတင်းဦး သတင်းထူး ဖြန့်ချင်သူ အဲဒီလူတွေဟာ ဒလံလို အန္တရယ် ရှိတယ် အထူးသတိထားကြပါ  San Zuren 🌸