SSN Times

မီးပုံထဲက ဘဝများ ပြာပုံထဲက ဘဝများ ပြန်ထပါစေ။ ပြည်သူအများ အရှုံးမှပြန်ထပါစေ။ ငါတို့တိုင်းပြည်ကြီး စစ်မီးငြိမ်းပါစေ… -အောင်ချိမ့်

နယ်ခြားစောင့်ငှက်

နောက်ဘဝတစ်ခုကို ငါကူးလိုက်ချင်ပြီ ဒါပေမယ့် ချစ်ခြင်းတရားတွေက လက်နှစ်ဖက်ပေါ်အပြည့်နဲ့ ငါဟာ ချောက်ကမ်းပါးရဲ့အစွန်းမှာ အတွင်းသားရဲ့ပုန်ကန်ခြားနားမှု ငါ့မှာမရှိတော့တဲ့ တရားစီရင်ရေး တရစ်ပြီး တရစ်ပတ်သက်ဖို့ ကဗျာတွေ တပုဒ်ပြီးတပုဒ် အချစ်ရေ မင်းကြားရဲ့လား ဆောင်းခိုဖို့ သူရဲကောင်းတွေပြန်လာကြပြီ ငါတို့ ထုံးထားတာတွေ ငါတို့ချည်ထားတာတွေ မြစ်ရဲ့တဖက်သောကမ်းက မမြင်ရတဲ့အိမ်မက်တွေနဲ့အတူ စစ်က တကယ်ဖြစ်နေတာ ငါဟာ လေဟာနယ်ထဲ၊ လက်တစုံနဲ့ နောက်လက်တစုံ အိုမင်းသည်အထိဆိုတာ မရေရာတဲ့ ရေးသားခြင်းပုံစံလိုမျိုး စာသားတလိုင်းနဲ့ နောက်တလိုင်းရဲ့ ချိတ်ဆက်မှုက မင်းကို မနမ်းခင်နဲ့ နမ်းပြီး အချိန်တစ်ခုလို ငါစောင့်နေတယ် ငါတို့စောင့်နေတယ် မီးခိုးတန်းကိုကြည့်ပြီး တိမ်တွေထူလိုက်တာလို့တွေးမိတဲ့အခိုက်အတန့်ထိ ။ အမ်ဂျီသာယာ (13Jun22)

ပျင်းရိမှုဟာ ငါ့ကို ရေဘဝဲတစ်ကောင်ဖြစ်စေခဲ့

ဆိုဒါနဲ့လိုက်ဖက်တဲ့ ခွက်တစ်လုံးကို ဆေးကြောသန့်စင်တဲ့အခါ လမ်းညွှန်မှုပေးခဲ့သူတွေရဲ့ခရီးသွားမာနကို နှလုံးသွင်းလိုက်မိတယ်။ ရေဟာအပြာရောင်ဖြစ်နေပြီး ကိုယ်တွင်းပိတ်အသိနဲ့ နေခဲ့ရတဲ့ဘဝကို အားငယ်စေတယ်။ အိပ်မက်ဆိုးက လန့်နိုးလာတဲ့အထိ ချွေးတွေကို သွေးတွေလို့ထင်နေတုန်း။ အော်သံကို သေချာစွာနားစွင့်လို့ ဥတုကောင်းကင်ရဲ့တထောင့်တနေရာမှာ သက်တံခြယ်ချလိုက်ဖို့ ရွေးလို့။ ဒီကနေ့မှာ ချစ်ခြင်းမေတ္တာဟာ တစ်အောင်စအလေးချိန်ပိုစီးသွားတဲ့ ဖြစ်စဥ်ပေါ့။ စန္ဒရားကို ရွက်လှေနဲ့သယ်တော့ မုဆိုးကြီးဂရာကူးစ်ပြုတ်ကျခဲ့တဲ့ ကျောက်သားနံရံကို ရှာကြည့်မိပေါ့။ ဒီကနေ့မှာ အဝေးကပို့လိုက်တဲ့ ေလချူသီးများမှာ အနာအဆာမပါပါ။ ဝက်ဝံမည်းတစ်ကောင် ဆယ်လမွန်ငါးဖမ်းစားနေတာကို အိမ်ကိုပြန်ချင်စိတ်နဲ့ ကြည့်ကြည့်လိုက်ပါ။ ကိန်းဂဏန်းတွေအားလုံးဟာ သူ့အလိုလိုစီတန်းလာမယ့်တစ်နေ့မှာ မီးပြတိုက်ဆောက်ဖို့ ရန်ပုံငွေစာရင်းထဲမှာ ကိုယ့်အမည်ကိုယ် ပြန်ပြင်ခဲ့ပါ။ လတစ်ခြမ်းလုံး အနက်ရောင်လွှမ်းတဲ့ ထူးကဲဖြစ်စဥ်မျိုးကို မှုိတက်နေတဲ့လိမ္မော်မြှောင်းလေးကို စွန့်ပစ်ရင်း ေရာက်လာစေချင်ခဲ့တယ်။ ကျောက်ကပ်အတွက် ငဲ့ညှာသောအားဖြင့် ပုဇွန်အခွံတွေကို ပလက်စတစ်ပြောင်းတဲ့နည်းမှာ အမေ့ခံထားရတဲ့...

ကျွန်တော့်အင်အားနဲ့ ချစ်ရသူတွေအပြုံးဖန်တီးလိုပါတယ်

ဒေါ်လာဈေးတွေတတ်တယ် အမေ ကုန်ဈေးနှုန်းကစ နေ့စဉ်အသုံးစရိတ်ထိ ကျွန်တော်လိုက်မီတာတစ်ခုမှမရှိဘူး လကုန်ရတဲ့ လစာဟာတော့တည်တည်ငြိမ်ငြိမ်ပဲအမေ ဘာတွေကျနေသလဲဆို စိတ်က‌လေးဟာတော့ အတော့်ကိုထိုးကျနေပါရဲ့ အိမ်ကိုပြန်ကြည့်ဖို့ဆိုတာ ဝေးပါတယ်အမေရယ် လကုန်ခါနီးဆို အိမ်ကပေးတဲ့ အထောက်အပံ့လေးကို မျက်နှာပြောင်စွာယူရတုန်းပဲ အဆင်မပြေမှုတွေ မပြေလည်မှုတွေများစွာထဲ အမေ့တစ်ကိုယ်လုံး ရွှေတိုရွှေစကလေးတောင် မဆင်ပေးနိုင်ခြင်းကိုတော့ အသိမ်ငယ်ဆုံးပါပဲ အဖေစီးနေကျ ဆိုင်ကယ်လေးက ဟောင်းနေပြီ ဆီဈေးနှုန်းထားအရ ကျွန်တော်တို့သားအဖ အိမ်နောက်က စက်ဘီးကလေးကိုဖုန်သုတ်ရတော့မဲ့ ပုံပါပဲအမေ နေ့ရက်တိုင်းဟာ ရုန်းကန်ဆဲ ပင်ပန်းဆဲပါအမေ ကျွန်တော် စိတ်ကလေးအေးချမ်းလိုပါတယ် ကျွန်တော့်အင်အားနဲ့ ချစ်ရသူတွေအပြုံးဖန်တီးလိုပါတယ် သို့ပေမဲ့လည်း လူတိုင်းလိုလားပြီး တောင်းတတိုင်းမရတာလည်း စိတ်ချမ်းသာခြင်းပဲမဟုတ်လား...။ ...

ဂူတာပြင်

ငါတို့လည်း ပျူ ၊သက်၊ကမ်းယံက နှောလာတဲ့ သွေးနှောတွေပဲ သာကီသွေးဆိုတဲ့ ဒီအန်အေက မင်းတို့ရဲ့ အရူးထမှုကို လျှာထုတ်ပြလိမ့်မယ်။ လူသားမျိုးနွယ်စု တခုဟာ လူ့တန်ဖိုးသိမ်ဖျင်းသွားလောက်တဲ့အထိအောင် ယဉ်ကျေးတဲ့ ကမ္ဘာမှာ ရှိသင့်တော့လို့လား။ တိရိစ္ဆာန်လို ခြံခတ်ပိတ်ဆို့ထားခံရတဲ့ လူသားမျိုးနွယ်စု တခုဟာ လူသားတွေရဲ့ အခြေခံရပိုင်ခွင့်တွေ တားမြစ်ထိန်းချုပ်ခံထားရတဲ့ လူသားမျိုးနွယ်စုဟာ လူနဲ့လူချင်းကို ဘုရားသခင်ရဲ့ အခွင့်ထူးခံလူသားတွေအဖြစ် အားကျငေးမောရင်းသာ မျှော်ကြည့်နေရတဲ့ လူသားမျိုးနွယ်စုဟာ ရှိနေသေးတယ်ဆိုရုံနဲ့ လူသားဆန်တဲ့ အခြားကမ္ဘာသားတွေမှာ တာဝန်ရှိသွားပြီ။ ဂူတာပြင်မှာ အင်းဒင်မှာ အခြား ကမ္ဘာ့ တနေရာရာမှာ မျိုးနွယ်စုတခုခုကို ရည်ရွယ်ပြီးသတ်ဖြတ်နေတဲ့ ဂျီနိုဆိုက်တွေ ရှိနေရဲ့။ အတုံးအရုံး သေဆုံးသွားရတဲ့ ကလေးသူငယ် နဲ့ သက်ကြီးရွယ်အိုတွေ ဘယ်လိုပြစ်မှုမျိုးနဲ့ သေဆုံးသွားရတယ် သိလိမ့်မယ်မဟုတ်ဘူး ဘုရားသခင်နဲ့တွေ့ရင် မေးကြလိမ့်မယ် ကျွန်ုပ်တို့ အခုဆိုရင် ငရဲက လွတ်မြောက်ကြပြီမဟုတ်လား တဲ့။ ။ - ခက်သီ (မေ ၉၊ ၂၀၁၉)

တော်လှန်ရေးမေတ္တာ

"သား တော်လှန်ရေးထဲလိုက်မယ်" လို့ ခပ်ဆတ်ဆတ်ပြောတော့ ကျမှန်းမသိ ကျလာတဲ့ မျက်ရည်ဥ ဖွေးဖွေးတွေကို အမေ့ခမျာ လက်နှစ်ဘက်နဲ့ ဘယ်ပြန်ညာပြန်သုတ် ကတုန်ကယင်နဲ့ အမေ့နှုတ်က ကျနော့်ကို သရဏဂုံသုံးပါး မမေ့ဖို့ အနန္တောအနန္တငါးပါး မမေ့ဖို့ အထပ်ထပ်အခါခါ မှာတယ် အဖေ့ခမျာ သောက်လက်စ ရေနွေကြမ်းခွက်ကိုကိုင် ဧည့်ခန်းစားပွဲမှာ ငေး ငိုင် မှိုင်ကျ " သားရေ မတရားတာမှန်သမျှ ဘာမှမလုပ်မိစေနဲ့ " တဲ့ အဖေ . . . ဒီအချိန်ဆို ထိုင်နေကျ ဧည့်ခန်းစားပွဲမှာ ကွမ်းယာလေး တမြုံ့မြုံ့ ဝါးနေရော့မလား ဆေးပေါ့လိပ်လေး ဖွာနေရော့မလား အမေရော အခုချိန်လောက်ဆို အိမ်ဦးခန်းက ဘုရားစင်ရှေ့မှာ ဝတ်ပြုဆုတောင်းပြီးလို့ ကြေးစည်တီး အမျှဝေနေရော့မလား အိပ်ရာမဝင်ခင် စိပ်ပုတီးကို တချောက်ချောက် ကိုင်ပြီး လမ်းများ လျှောက်နေရော့မလား အဲ့ဒီအာရုံတွေထဲက နည်းနည်းလေးမှ ရုန်းထွက်လို့ မရခဲ့ဘူး အိမ်ကထွက်သွားတုန်းက အမေပေးလိုက်တဲ့ အမေ့ထဘီ အထက်ဆင်လေး တော်လှန်ရေးမှာ အန္တရာယ်ကင်းစေကြောင်း သားရဲ့လက်မောင်းမှာ ပတ်ထားတယ် အမေ လည်ပင်းမှာဆွဲထားတဲ့ ကျည်ခွံထဲမှာတော့ အဖေ့သြဝါဒတွေနဲ့ ပြည့်ညပ်လို့ပေါ့ သတင်းကောင်းတွေနဲ့ ပြန်လာခဲ့မယ်ပြောပေမဲ့ မိသားစုထမင်းဝိုင်းကိုတော့...

Bertolt Brecht

အရာရာတိုင်းဟာ ပြောင်းလဲကြတယ်။ မင်းရဲ့နောက်ဆုံးထွက်သက်နဲ့ လတ်ဆတ်တဲ့ အစ တခုကို မင်းလုပ်နိုင်တယ်။ ဗားတော့ဗရက်

စီမံအုပ်ချုပ်မှု ညံ့ဖျင်းသည်းည့ထထ

နိုင်ငံ၏ဖွံ့ဖြိုးတိုးတက်မှုကို တားဆီးသည့် ထောင်ချောက် လေးမျိုး ရှိသည်။ (၁) ပြည်တွင်းစစ် ပဋိပက္ခ ထောင်ချောက် (ConflictTrap) (၂)သဘာဝသယံဇာတ ထောင်ချောက် (Natural resource trap) (၃) ဆိုးဝါးသော အိမ်နီးချင်းနိုင်ငံများကြားတွင် ပိတ်မိနေသည့် ထောင်ချောက် (Land locked with bad neighbors) (၄) နိုင်ငံငယ်လေးတွင် စီမံအုပ်ချုပ်မှု ညံ့ဖျင်းနေခြင်း ဟူသော ထောင်ချောက် (Bad Governace in small country) တို့ဖြစ်သည်။ #ဂျူး

ကဗျာ ကဏ္ဍ

နှစ်တွေဟာ သင်ခန်းစာနှစ်ခုကိုပဲ သင်ကြားပေးခဲ့ပါတယ်။ အစဉ်တည်မြဲတဲ့သူမရှိဘူး ဆိုတာရယ် ဆက်လက်ရွေ့လျားရမယ် ဆိုတာရယ်။ -မိုဃ်းဇော်

ကာလာများ

အချို့က ဆူညံတယ် အချို့က လူခြေတိတ်ရပ်ဝန်းထဲ အချို့က ကစုန်စိုင်းတယ် အချို့က ခြေသံလုံကြ အချို့က မြင်းကောင်းတွေချည်း အချို့က ခွါတွေလိပ်လို့ အချို့က အပြည့်စွဲထားတယ် အချို့က မလျှောက်သာ အချို့က အငုတ်အတို အချို့က အပုတ်အပို အချို့က အရွက်တွေ အခက်တွေ အချို့က အမျက်မပြေ အသက်တွေ အချို့က...အချို့က..အချို့များက ပဋိပက္ခ ဝေးနေနီးနေ အထွေထွေများစွာ ပြဿနာ ကပ်ဆိုးဒုက္ခ မြင်အပ်မမြင်အပ် အရပ်များစွာ မသက်သာ အခုများဆို ကျုပ်တို့ နိုင်ငံငယ်က လုပ်သက်ရင့် အတ္တသမားတွေကြား ထန်းလျက်ခဲ ခွေးလျက်ထားသလို လုံးပါးပါးရင်း အစွန်းအထင်းများနဲ့ အချင်းများနေခဲ့ အပြင်းဖျားနေရဲ့..။ ငဖီးလ် FOC

22လူငယ်

မင်းတို့ပြောတဲ့ငါ့အကြောင်း ငါကပြောတဲ့ငါ့အကြောင်း တိုင်းတာကြည့်ဖို့ စျေးကို ပေးတံတစ်ချောင်းပြေးဝယ်မိတယ်။ ချိုင်းစာရွက်ပဲရခဲ့တယ်။ ရတာလေးနဲ့တွက်ချက်ကြည့်တော့ အဖြေနှစ်ခုထွက်လာတယ်။ အပိုင်ကွက်ဆိုပြီး ငါအောလိုက်တယ်။ ဒါပါပဲ။ မြရဲလွင်(ဝေးလွင့်ငှက်) FOC

ကဗျာ ကဏ္ဍ

စိတ်ရှိသလောက်သာ ခံစားမှုနောက်ကို လိုက်ကြေးဆိုရင် အသက်တောင် ပြန်ပါမလာဘူး။ -ကြည်ဇော်အေး

အမှားတွေကို မကြောက်ပါနဲ့

ဘဝဆိုတာ ထင်သလောက်မရိုးရှင်းလို့ ဒီလောကရဲ့လမ်းတွေထဲ အပြေးအလွှား ရှင်သန်ရတဲ့အခါ အမှားတွေများစွာ ကြုံတွေ့ကြရမှာပါပဲ ။ အဲဒီအမှားတွေထဲမှာမှ ပြန်ပြင်လို့ရတာတွေလည်း ရှိသလို ၊ ပြန်ပြင်လို့မရတာတွေလည်း ရှိတတ်ကြပါတယ် ။ ဘယ်လိုပဲဖြစ်ဖြစ်လေ ပြန်ပြင်လို့ရတဲ့ အမှားတွေနဲ့တွေ့တဲ့အခါ ပြန်ပြင်ပြီး ၊ ပြန်ပြင်လို့မရတဲ့ အမှားတွေနဲ့ တွေ့တဲ့အခါ ဒါတွေကို သင်ခန်းစာယူတတ်မယ်ဆိုရင် ဒီအမှားတွေဟာ ကိုယ့်အတွက်မိတ်ဆွေလို ဖြစ်မှာပါ ။ ဘယ်နေရာမှာမဆို အမှားဖြစ်တာဟာ မကောင်းပါဘူး သို့သော်လည်း ထိုအမှားတွေကြောင့်ပဲ ကမ္ဘာကြီးမှာ အောင်မြင်နေကြတဲ့သူတွေလည်း အများကြီးပါ ။ အမှားတွေဟာ ဆုံးရှုံးခြင်းကိုဖြစ်စေတယ်ဆိုပေမဲ့လည်း အသုံးချတတ်မယ်ဆိုရင် လူတစ်ယောက်အတွက်အများကြီး အကျိုးရှိပါတယ် ။ လောကမှာ ဘယ်အမှားမှ အကြောင်းမဲ့သက်သက်မဖြစ်ပါဘူး ။ တကယ်တော့ အမှားဆိုတာ ပိုတိကျသေချာခြင်းကိုပေးတဲ့ အကြောင်းတရားပဲဖြစ်တယ် ။ ဒါကိုသိတဲ့ လူတချို့က အမှားကိုပြင်ပြီး ရှေ့ဆက်သွားကြတယ် ။ ဒါကိုမသိတဲ့ လူတချို့ကတော့ အမှားကိုမြင်ပြီး စိတ်ပျက်သွားကြတယ် ။ အဲဒီလိုနည်းနဲ့ လောကမှာ လူတစ်ဦးနဲ့တစ်ဦး အဆင့်အတန်းတွေ ကွာခြားသွားကြတာပါ ။ ဒါကြောင့် အမှားကိုမကြောက်ပါနဲ့ အမ...

ဆုတောင်းဆုယူ

လေတသုန်သုန်တိုက်လျက် မိုးစက်များစိုရွှဲလျက် ကမ္ဘာမြေဟာ လူမသိသူမသိကြွေကျပျက်စီးခဲ့တဲ့ သစ်ရွက်အနွမ်းတို့ကို အုပ်မိုးပွေ့ဖက်တော်မူပါတယ်။ ရှေးဟောင်းပစ္စည်းတွေဟာ တချိန်ချိန်မှာ ပြန်လည်တူးဖော်တွေ့ရှိရတယ်။ ဆီတိုးဝယ်ရင်း ရောဂါကုဖို့ဆေးမဝယ်နိုင်ရင်း ငတ်မွတ်ခေါင်းပါးရင်း ရရာလက်နက်စွဲကိုင်ရင်း တိတ်ဆိတ်စွာမျက်ရည်ကျခြင်းနဲ့ ဒုက္ခ၊သောက၊ဗျာပါဒနဲ့။ ပေးဆပ်ကွယ်လွန်သူ လူငယ်လူကြီးများရဲ့နာမည်ကို သက်ဆိုင်သူတွေပြန်လည်တူးဖော်တဲ့နေ့မှာ ကျနော်တို့ရဲ့မှတ်ဥာဏ်မြေသားထုနဲ့ အုပ်မိုးပွေ့ဖက်ရပါလိမ့်မယ်။ -ဆပ်ရိပ် ၂၆၊၈၊၂၂

ငြိမ်းချမ်းရေးဂီတ

ချစ်တာကိုတောင် ဖွင့်ဟဝန်မခံရဲတဲ့ကောင်တွေ AK-47 ပေါ်မှာလက်ပစ်ကူး ကျည်ဆံကကြိုးများအောက် မှော်ဆရာရဲ့ မီးခိုးလုံးနဲ့အတူ ပျောက်ကွယ်ကြရတဲ့ ဘဝတွေ။ နေ့တွေဟာညတွေအဖြစ်ပြောင်း ဒုက္ခဟာ ထရိုဂျန်မြင်းကြီးစီးပြီး ငါတို့စိတ်အတွင်းဝင်ရောက်လာခဲ့။ အဓမ္မကျင့်ခံရတဲ့ နိုင်ငံတော်မှာ သုတ်ရေနီနီတွေ ပေတရာလမ်းမပေါ်ပြန့်ကြဲ ရောင်နီတွေကွယ်ပျောက် အမှောင်ခေတ်ဆီတစ်ရွေ့ရွေ့။ မြို့ပြဟာနီယွန်တွေလိမ်းကြံထားတဲ့ မက်ဆိုပိုတေးမီးယားစစ်မြေပြင်ပဲ။ အမှောင်ထုဟာ နက်သထက်နက် ရောင်နီဟာ ဝေးသထက်ဝေးလွင့် မှော်ဆရာရေ အဘယ်မန္တာန်ကိုရွတ်ပါမှ ဤအမှောင်ထုအတွင်းက လွတ်မြောက်ရပါမည်နည်း။ အနက်ရောင်ကောင်းကင်မှာ တဖြုတ်ဖြုတ်ကြွေကျနေတဲ့ကြယ်တွေ သံလွင်မြစ်ထဲစီးနေတဲ့ ငါတို့သွေးတွေ ကြွက်ထောင်ချောက်ထဲပိတ်မိနေတဲ့ငါတို့အနာဂတ်တွေ မြေသြဇာဖြစ်သွားရတဲ့ ငါတို့အိပ်မက်တွေ ကျည်ဆံတွေအဖြစ်ပြောင်းလဲသွားတဲ့ ဖတ်လတ်စစာအုပ်တွေ ဪ...နွေဦးရယ် ဘယ်အငြိုးနဲ့များ ကျည်ဆံတွေသယ်ဆောင်လာရတာလဲကွယ်။ ဒီလိုနဲ့ တောင်ကုန်းထက်မှာ ရုတ်တရတ်ပေါ်ထွက်လာသော စေတီပုံစံ အရိုးစုဖြူဖြူများ။ -ဟီရို

ကဗျာ ကဏ္ဍ

ချစ်ခြင်းတရားဆိုတာ လွတ်လပ်မှုပဲဖြစ်တယ် ကျွန်ပြုမှု မဟုတ်ဘူး။ လွတ်လပ်မှုထဲကနေ ငါတို့တွေ့ဆုံခဲ့တယ် အနာဂတ်အတွက် ဘာကတိစကားမှ မရှိဘူး။ ဘယ်သူက အနာဂတ်ကို သိလို့လဲ။ ကျုပ် သူ့ကို ချစ်တယ် ကျုပ် သူ့ကို ပျော်စေချင်တယ်။ ဘာပြသနာမှ မရှိဘူး သူပိုပြီးပျော်နိုင်ဖို့ ကျုပ်နည်းလမ်းမျိုးစုံနဲ့ ကူညီမယ်။ တကယ်လို့ တခြားတစ်ယောက်နဲ့ သူပိုပြီးပျော်မယ်ဆိုရင် ကျုပ် ဘာလို့ စိတ်ဆင်းရဲရမှာလဲ။ ခင်ဗျားတို့ရဲ့အတ္တသာ စိတ်ဆင်းရဲတာ။ အိုရှိုး

" မမခင် စစ်ကိုင်းတိုင်းရောက်ဖူးလား "

မင်းကို ငဲ့ညှာသနားတတ်ပြီး ခွင့်လွှတ်နေတဲ့သူ(တွေ) ကို နာကျင်အောင် ထပ်ခါတလဲလဲလုပ်ရင်.. မင်းခန္ဓာကိုယ်ထဲက သွေးတွေဟာ မင်းကို ပုန်ကန်စီးဆင်းလိမ့်မယ်။ . အမှန်တရားဟာ နောက်ကျတတ်ပေမဲ့ တကယ်ရောက်လာမယ်ဆိုတာကတော့ သေချာတယ်။ . လူဆိုတာ.. တလောကလုံးအပြင် ဘုရားကိုပါ တက်ပြီး ညာပစ်လိုက်လို့ရတယ်။ ဒါပေမဲ့.. မင်းကိုယ်မင်းတော့ ညာလို့မရ။ . ဘယ်သူရေးတဲ့ကဗျာဖြစ်ဖြစ် ဒုက္ခနဲ့ဆို ပိုလှလာမယ် ပန်းပွင့်ကလေးတွေရဲ့ သဘာဝရနံ့ကို ကမ္ဘာကျော်ရေမွှေးတွေကတောင် အတုခိုးရတယ် ဆိုတာလည်း မင်းမမေ့နဲ့။ . “အိပ်လို့မပျော်ဘူး” ဆိုတာ “စိတ်မပျော်လို့” ဆိုတဲ့ အကြောင်းအရင်းတင်မကဘဲ မင်းစိတ်ထဲက.. အိမ်ရာမဲ့ပိုးမွှားတွေနဲ့လည်း သက်ဆိုင်တယ်။ . ဖြူစင်ယောင်ဆောင်နေလည်း မင်းရဲ့အိပ်ခန်းထောင့်ကနေ.. တစ်စုံတယောက်က မင်းကို တည့်တည့်စိုက်ကြည့်နေတယ်။ . ကျိန်စာဆိုတာ.. စကားလုံးတွေသက်သက်ပဲမဟုတ် မင်းရဲ့ဝှက်ဖဲကြောင့် ထိခိုက်ခဲ့ရသူရဲ့ နာကျင်မွန်းကြပ်မှုပဲ။ . ဟန်ဆောင်လိမ်ညာမှုဆိုတာ ခြင်တစ်ကောင်ပဲ။ ခုနှစ်ရက်ပဲ အသက်ရှင်နိုင်တယ်။ ဒီဇာတ်လမ်းမှာ… ဘယ်သူက ဘယ်လောက်ဖြူစင်ခဲ့သလဲ ဘုရားရိုက်တဲ့အခါ ပေါ်လွင်လာမယ်။ . ဒီကမ္ဘ...

စိတ်ဓာတ်စစ်ဆင်ရေး ပေါ့ပေါ့မတွေးစေလို ...

၁။ဆိုက်ဝါး တော်လှန်ရေးကာလမှာ “ အဲဒါ ဆိုက်ဝါး” ပါ ဆိုပြီး တော်တော်များများ မှတ်ချက်ပြုကြတဲ့ ကိစ္စတွေရှိပါတယ်။ အထူးသဖြင့် စစ်ကောင်စီအနေနဲ့ ပြည်သူလူထုကို အာရုံလွှဲလိုတဲ့အခါ သတင်းအတုတွေလွှင့်တာ၊ အဖြစ်အပျက်အတုတွေ လုပ်ကြံဖန်တီးတာ၊ ကောလဟာလတွေ နဲ့ ကစားတာတွေနဲ့ ကြုံတဲ့အခါမှာ ဆိုက်ဝါးဆိုတဲ့စကားကို တွင်တွင်ကျယ်ကျယ်ပြောလာကြပါတယ်။ ဆိုက်ဝါးဆိုတာကတော့ psy war ဆိုတဲ့ အင်္ဂလိပ်စကားလုံးဖြစ်ပြီး မြန်မာလိုတော့ စိတ်ဓာတ်စစ်ဆင်ရေးလို့ ခေါ်ရမှာဖြစ်ပါတယ်။တကယ်တော့ ပြည်သူတွေက ဆိုက်ဝါးပါဆိုပြီး လွယ်လွယ်ကူကူ မှတ်ချက်ချတဲ့ အကြောင်းအရာတွေ ဖြစ်စဉ်တွေဟာ စစ်ကောင်စီဘက်က စနစ်တကျ ထိန်းချုပ်ပြုလုပ်နေတဲ့ တကယ့် ဆိုက်ဝါးအစစ်တွေ မဟုတ်တာက များပါတယ်။ စစ်ကောင်စီရဲ့ တကယ့် စိတ်ဓာတ်စစ်ဆင်ရေးကိုတော့ ပြည်သူတွေ ကျောကော့နေအောင် ခံခဲ့ရပါတယ်။ အာဏာသိမ်းပြီးပြီးချင်းထွက်လာတဲ့ ၇၂ နာရီကိစ္စ၊ ဒေါ်အောင်ဆန်းစုကြည်ကို လွှတ်ပေးလိုက်ပြီဆိုတဲ့ ကောလဟာလ တွေက သက်သေပဲဖြစ်ပါတယ်။ ရန်သူကို လျှော့မတွက်သင့်သလို ပိုလည်း မတွက်သင့်ဘူးလို့ ပြောကြတဲ့နေရာမှာ စစ်ကောင်စီကို လျှော့မတွက်သင့်တာက စိတ်ဓာတ်စစ်ဆင်ရေးအပိုင်းမှာပါပဲ။ ...

ကက်ကိုဘိန်းက ကျွန်တော့်သီချင်းတွေကိုနားထောင်တဲ့ လူဆယ်ယောက်ဆိုရင်တောင်များလှပါပြီတဲ့ မောင်ချောနွယ်က ကမ္ဘာပေါ်မှာကိုယ့်ကိုချစ်တဲ့လူဟာ ဘောလုံးတစ်သင်းစာတောင်ရှိရဲ့လား မစဉ်းစားတော့ပါဘူးတဲ့ မာယာကော့ဖ်စကီးက အများကြိုက်ကိုပါးရိုက်ချင်တယ်တဲ့ ဖော်လိုဝါတွေနဲ့တည်ဆောက်ထားတဲ့ အပေါစားကျော်ကြားမှုတွေကို လက်ခလယ်ထောင်ပြသွားခဲ့ကြတဲ့လူတွေပေါ့ -ကြည်ဇော်အေး

အပမှီနိုင်ငံတော်

ရေပေါ်စာတွေဖတ်ရတာပျင်းလာပြီ ကမ္ဘာကြီးကမကျန်းမာဘူး နိုင်ငံကအပမှီနေတယ် ရွာတစ်ရွာပြာကျသွားတဲ့သတင်းက ကိုယ်ဟန်ပြမယ်ရဲ့ပေါင်တံဖွေးဖွေးကို မကျော်နိုင်ခဲ့ဘူး မုဒိန်းကျင့်မီးရှို့ခံလိုက်ရတဲ့ ကောင်မလေးက clubတက်ပျော်ပါးနေတဲ့မိန်းကလေးလောက် အရာမဝင်ခဲ့ဘူး သေမင်းနှုတ်ခမ်းဝကလူကို အအေးခန်းထဲကလူတွေက အပြစ်တင်ကဲ့ရဲ့နေကြတယ် သာသနာပြုဘုန်းကြီးက နိုင်ငံတကာမှာ ဘုရားလှည့်တည်နေတယ် နိုင်ငံအတွင်းကစေတီပုထိုးတွေတော့ ဘောင်မဝင်ဘူးထင်ပါရဲ့ ပြာပုံထဲမှာ တုံးလုံးပက်လက် တစ်ချို့အတွက်မနက်ဖြန်က ရွှေလို တစ်ချို့ကျ မနက်ဖြန်က မသေချာမရေရာ ကမ္ဘာကြီးဟာ ပုံမှန်လေးလည်ပတ်နေပေမယ့် ပုံမှန်မဟုတ်တဲ့နေရာတွေမှာ မုန်တိုင်းဟာ ကွက်ကြမ်းနေတယ်... ဒါပါပဲ အမှန်တရားတွေပြောရင် အမှားတရားတွေနဲ့အပြစ်ဖို့ကြလိမ့်မယ် ဒီနိုင်ငံဟာ အပမှီနေတဲ့အတွက် လူတွေဟာ မကောင်းဆိုးဝါးလိုလို မကောင်းဆိုးဝါးဟာ လူလိုလိုဖြစ်လိမ့်မယ်။ ။ -ခွန်းနိုင် Poemency

သစ်ခြောက်ပင်

ငါမိုးပေးခဲ့တဲ့ အရိပ်ထက် သူ ချိုးသွားတဲ့ အခက်က ပိုရှည်တယ်။ ဓာတ်ခဲအဟောင်းနဲ့ တွဲသုံးထားမိတဲ့ ပစ္စုပ္ပန်အသစ် စိတ်ကူးတွေ တစ်ကျော့ပြီး တစ်ကျော့ တိပ်သား အတွန့်ကြေ ကက်ဆက်တစ်ခွေ ဖွင့်ထား 'ဘဝဆိုတာ ရေပွက်ပမာ' တဲ့ ပင်လယ်ကြီးလောက် ချစ်မိခဲ့တဲ့ ကောင်က အကြိမ်ကြိမ်သေဆုံးပေါ့ ဟုတ်လား။ ဘယ်လိုမှ ရှောင်လွှဲမရတာ အိပ်မက်ထဲမှာရယ် နောက်ကျောမှာ ထိုးစိုက်ပေးလိုက်တဲ့ ဓားရယ် ။ အလွမ်းတွေနဲ့ အစာချက်လုပ်တော့ အရွက်တွေ အကြွေများ ငါ့ကိုယ်ငါလည်း ဂရုမစိုက်အားခဲ့။ ။ - မောင်ယုပိုင်

ကဗျာ ကဏ္ဍ

တစ်ခါတစ်လေမှာတော့လည်း တွေးကြည့်မိပါတယ် နက်ဖြန်ခါသေသွားရင် ဘာဖြစ်မလဲလို့…။ လုပ်ချင်တာတွေ လုပ်ခဲ့ပြီးပြီ… (မလုပ်ရသေးတာတွေလည်း အများကြီး) ဖြစ်ချင်တာတွေ ဖြစ်ခဲ့ပြီးပြီ… (မဖြစ်ရသေးတာတွေလည်း အများကြီး) နက်ဖြန်ခါမှာလို့စဉ်းစားလိုက်ပြန်တော့ နက်ဖြန်ခါတွေကလည်း အများကြီး ဒီလိုနဲ့ပဲ ဘဝမှာနေပျော်ရတာပါပဲ ကလေးရယ် … -တာရာမင်းဝေ

အမေ့လက်ကိုင်ပဝါ

ကောင်းကင်မှာ လူရှင်စားငှက်တွေ ဝဲလို့။ မြေကြီးအောက်မှာ သစ်စေ့ ယောင်ဆောင်ထားတဲ့ ယမ်းဥတွေ။ ဒဏ်ရာတွေက ကြီးလွန်းတော့ ဒဏ်ရာတွေထဲ ဆေးထည့်လို့မရဘူး ဆေးထဲ ဒဏ်ရာတွေ ထည့်ရတယ်။ နာကျင်လွန်းတဲ့အခါ အား အားလို့ မအော်မိဘူး အမေ အမေလို့ အော်မိ။ အမေ့ပါးပေါ်က တွန့်ခေါက် တောင်တန်းတွေကြားမှာ စမ်းရေပူတွေ ရစ်ခွေစီးဆင်းနေပုံဟာ ကျွန်တော့်စိတ်ပြတင်းမှာ ထင်းထင်းမြင်နေရတဲ့ ရှုခင်း။ တစ်နေ့တော့ လက်ကိုင်ပဝါ အစုတ်လေး ပြန်လာမှာပေါ့ အမေ နိုင်ငံတော်ပါးပြင်က မျက်ရည်ကို သုတ်ပေးနေတဲ့ အဝေးရောက် လက်ကိုင်ပဝါအစုတ်လေးကို အမေ ဂုဏ်ယူ ခွင့်လွှတ်နေမှာပါ။ ။ ခန့်ဝါငြိမ်း MyitKwae (မြစ်ကွေ့- လူထုတော်လှန်ရေးစာစဉ်၏ အတွဲ(၁)၊ အမှတ်စဉ်(၃၂)တွင် ဖော်ပြထားသည့်‌ ကဗျာကဏ္ဍမှ ကဗျာတစ်ပုဒ် ဖြစ်ပါသည်။

လွတ်လပ်ရေး

ဟေ့ နားတွေကို စွင့်ထား သတိ အသိတရားကို အစွမ်းကုန် ဖွင့်ထား.. . ဟိုမှာ အနာဂတ် တံခါးတွေပွင့်ဖို့အတွက်တဲ့ အသက် စွန့်သူ စွန့်ထားရဲ့။ ဘဝမပီသတဲ့ ဘဝတွေမှာ တစ်နပ်စားဉာဏ်သုံး ကုပ်ကပ်တွယ် ရှင်သန်ချင်တုန်းလား ထွေးထုတ်ပစ် လူမဆန် ငတေ စိတ်ဓာတ်တွေ ခက် ကြပ် ဖိနှိပ်ခံ ပျော်ပြနေရအောင် ဒီခေတ်ဟာ သူယုတ်တွေအတွက် သက်သက်။ ရုန်းထွက်လိုက် ခေတ်ကို ဆွဲဖွင့်ကြ စနစ်ကို အသစ် ဖွင့်ခွင့်ရဖို့ဆို မင်း၊ သူ၊ ငါ ထိုက်တန်ကြောင်းပြမှ ဖြစ်။ မျက်ရည်တွေ နောက်ထပ်ကလေးငယ်တွေ နောက်ထပ် သက်ကြီးရွယ်အို လူရွယ်တွေ နောက်ထပ်သော ဖြစ်တည် ဘဝတွေ တရားသဖြင့်သာ ငိုချင် ငိုခွင့်ရှိပါစေ ။ သေခြင်းဟာ တကယ့်သေခြင်း စစ်မှန်စွာ ရှင်သန်ခြင်းဟာ ရှင်သန်မှု ပီပီသသ ဟေ့ အဇ္ဈတ္တ .. . နိုင်သမျှအား စုစည်း ကူဖြည့်ကြရင်း တော်လှန်ခြင်းဖြင့် အရောက်လာခဲ့မယ် ။ အောင်ပွဲတွေ အသင့်ပြင် ။ အိမ်မိုး MyitKwae

ငါ့အိမ်လေးမီးရှို့တော့ မင်းတို့ဘာရမှာလဲကွယ်